Month: August 2020

ក្រសួងសុខាភិបាលបានចេញសេចក្ដីណែនាំស្តីពីការការពារការចម្លងវីរុសកូវីដ–១៩ និងការពុលចំណីអាហារ ក្នុងអំឡុងពិធីបុណ្យកាន់បិណ្ឌនិងភ្ជុំបិណ្ឌដែលនឹងប្រព្រឹត្តទៅចាប់ពីថ្ងៃទី០៣ដល់ថ្ងៃទី១៨ខែកញ្ញា ឆ្នាំ២០២០ ខាងមុខនេះ។បើតាមសេចក្តីណែនាំរបស់ក្រសួងសុខាភិបាលបានបញ្ជាក់ថាដោយផ្អែកលើស្ថានភាពនៃការចម្លងវីរុសកូវីដ១៩នៅលើបណ្ដាប្រទេសលើសកលលោកនិងនៅក្នុងតំបន់មិនទាន់មានការធូរស្បើយហើយ កំណើននៃការចម្លងវីរុសកូវីដ–១៩ និងការស្លាប់ដោយសារជំងឺនេះនៅតែបន្តមានខ្ពស់នៅឡើយ ។បើទោះបីជាប្រទេសកម្ពុជា មិនទាន់មានការចម្លងវីរុសកូវីដ–១៩នៅក្នុងសហគមន៍នៅឡើយក៏ដោយ ក៏ជំងឺដ៏កាចសាហាវនេះនៅតែជាការគំរាមកំហែងសុខភាពសាធារណៈហើយលទ្ធភាពនៃការចម្លងវីរុសនេះនៅក្នុងប្រទេសក៏នៅតែជាក្ដីព្រួយបារម្ភនៅឡើយដែរ។

សុខសប្បាយជាទេបងប្អូន!នៅសល់តែបីថ្ងៃទៀតទេពិធីកាន់បិណ្ឌនឹងមកដល់។ តាមប្រពៃណីទំនៀមទម្លាប់សាសនា នៅក្នុងឱកាសនៃពិធីកាន់បិណ្ឌភ្ជុំបិណ្ឌដែលនឹងចូលមកដល់ក្នុងពេលយ៉ាងខ្លីខាងមុខនេះ ។សូមបងប្អូនប្រជាពលរដ្ឋទាំងអស់យកចិត្តទុកដាក់ថែរក្សាសុខភាពឲ្យបានគ្រប់គ្នាជាពិសេស​ សូមការពារខ្លួនចៀសផុតពីជំងឺឆ្លងCovid19ហើយស្តាប់តាមការណែនាំរបស់ក្រសួងសុខាភិបាលអោយបានខ្ជាប់ខ្ជួនដោយបន្តពាក់ម៉ាសការពារឧស្សាហ៍ដុសសម្អាតលាងដៃជាមួយសាប៊ូទឹកអាល់កុលឬចឹលសម្លាប់មេរោគអោយបានជាប្រចាំ។នៅថ្ងៃនេះ តាមរបាយការណ៍អង្គការសុខភាពពិភពលោក​(WHO) ថ្ងៃនេះគឺមានអ្នកឆ្លងសរុប 24,854,140នាក់ស្លាប់838,924នាក់និងករណីកើតថ្មីចំនួន265,888ករណី។ចំណែកប្រទេសកម្ពុជាយើងវិញមកដល់នេះមានអ្នកឆ្លងសរុប274នាក់បានជាសះស្បើយចំនួន266នាក់នឹងមានអ្នកឆ្លងថ្មីចំនួន01នាក់។សូមបងប្អូនប្រជាពលរដ្ឋទាំងអស់រីករាយជាមួយក្រុមគ្រួសារមិត្តភក្កិបងប្អូនក្នុងឱកាសពិធីកាន់បិណ្ឌមុខនេះនិងសូមអោយការធ្វើដំណើរជិតឆ្ងាយទទួលបាននូវសុខសុវត្ថិភាពព្រមទាំងចូលរួមគោរពច្បាប់ចរាចរណ៍ឲ្យបានគ្រប់ៗគ្នា៕សហការី

រហូតដល់ម៉ោង​០៩:០០​ព្រឹក​ថ្ងៃទី៣១សីហា២០២០​ យើងរកឃើញករណីជំងឺកូវីដ-១៩​ថ្មី​ចំនួន​១នាក់​(ជនជាតិ​បារាំង​)។​ ដូច្នេះចំនួនសរុប​២៧៤នាក់​​ជាសះស្បើយ​ចំនួន​១នាក់​សំរាកនៅពេទ្យ​សរុប​ចំនួន៨នាក់ ចំនួនជាសះស្បើយសរុប​ចំនួន២៦៦នាក់​​និងស្លាប់គ្មាន​ ។ ជំងឺកូវីដ-១៩​នៅតែបន្តគម្រាមកំហែងយើងជាប់ជានិច្ច​ សូមបងប្អូនបន្តប្រយ័ត្ន!ជាប់ជានិច្ចដោយអនុវត្តអនាម័យ​ នៅឃ្លាតឆ្ងាយពីគ្នា​ មិនចេញក្រៅផ្ទះបើមិនចាំបាច់​ ព្រោះប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩​ដ៏ខ្លាំងក្លានៅឡើយ​ ។យើងត្រូវបន្តអនុវត្តគម្លាតសង្គមបន្តទៀត​ដូចជាពន្យារការរៀបអាពាហ៍ពិពាហ៍ពិធីជប់លៀង​ការចាក់ធុងបាសរាំ​។ ល។ យើងត្រូវបន្តគម្លាតបុគ្គលបន្តទៀត​ដូចជា​អង្គុយគម្លាតពីគ្នា​ឈររង់ចាំគម្លាតពីគ្នា​ឈរជជែកគ្នាគម្លាតពីគ្នា​។ ល។យើងត្រូវបន្តពាក់ម៉ាសនៅពេលចាំបាច់​និងឧស្សាហ៍លាងដៃជាមួយសាប៊ូ​ អាល់កុល​ ឬជែល​ ។សូមបញ្ជាក់ថា​ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​ ។ ព័ត៌មានបន្ថែមសូមទាក់ទងលេខ១១៥

នា​ថ្ងៃ​អាទិត្យ​នេះប្រទេស​ឥណ្ឌា​បាន​រាយការណ៍​ថាមាន​ករណី​ឆ្លង​ជំងឺ​កូវីដ១៩ថ្មី​ចំនួន ៧៨.៧៦១ ករណី ក្នុង​រយៈពេល ២៤ ម៉ោង​។ នេះ​គឺ​ជា​តួលេខ​ឆ្លង​ខ្ពស់​បំផុត​ក្នុង​រយៈពេល​មួយ​ថ្ងៃ​នៅ​ក្នុង​ពិភពលោក ចាប់​តាំង​ពី​ការ​រាតត្បាត​ជា​សាកល​នៃ​ជំងឺ​កូវីដ១៩ នេះ​ចាប់ផ្ដើម​កើតមាន​មក និង​ស្រប​ពេល​ដែល​ប្រទេស​ឥណ្ឌា​កំពុង​តែ​បន្ដ​បើក​សកម្មភាព​សេដ្ឋកិច្ច​របស់​ខ្លួន​ឡើង​វិញ។នេះ​គឺ​ជា​ថ្ងៃ​ទី​បួន​ជាប់​គ្នា​ហើយ​ដែល​ឥណ្ឌា​មាន​ករណី​ឆ្លង​ជំងឺ​កូវីដ១៩ ចំនួន​ជាង ៧៥.០០០។ឥណ្ឌា​ដែល​មាន​ប្រជាជន​សរុប​ចំនួន ១ ពាន់ ៤ រយ​លាន​នាក់ បាន​ក្លាយជា​ប្រទេស​លំដាប់​ទី ៣ លើ​ពិភពលោក បន្ទាប់​ពី​សហរដ្ឋអាមេរិក និង​ប្រេស៊ីល ដែល​មាន​ករណី​ឆ្លង​ជំងឺ​កូវីដ១៩ ច្រើន​បំផុត ដែល​មាន​ចំនួន ៣ លាន ៥ សែន​ករណី និង​មាន​ករណី​ស្លាប់​ជាង ៦៣.០០០ ករណី។ នេះ​បើ​យោង​តាម​ស្ថិតិ​ផ្លូវការ​ដែល​ផ្ដល់​ដោយ​ក្រសួង​សុខាភិបាល​របស់​ឥណ្ឌា៕

រហូតដល់ម៉ោង​០៩:០០​ព្រឹក​ថ្ងៃទី៣០សីហា២០២០​យើងពុំរកឃើញករណីជំងឺកូវីដ-១៩​ ថ្មី​ទេ​។ដូច្នេះចំនួនសរុប​ ២៧៣នាក់​ដដែល​ជាសះស្បើយ​គ្មានចំនួនសំរាកនៅពេទ្យ​នៅសល់៨នាក់ចំនួនជាសះស្បើយសរុប​ចំនួន២៦៥នាក់​​ និងស្លាប់គ្មាន​។ ជំងឺកូវីដ-១៩​នៅតែបន្តគម្រាមកំហែងយើងជាប់ជានិច្ច​សូមបងប្អូនបន្តប្រយ័ត្ន!ជាប់ជានិច្ច ដោយអនុវត្តអនាម័យនៅឃ្លាតឆ្ងាយពីគ្នា​មិនចេញក្រៅផ្ទះបើមិនចាំបាច់ព្រោះ​ប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩​ដ៏ខ្លាំងក្លានៅឡើយ​។យើងត្រូវបន្តអនុវត្តគម្លាតសង្គមបន្តទៀតដូចជាពន្យារការរៀបអាពាហ៍ពិពាហ៍ពិធីជប់លៀង​ការចាក់ធុងបាសរាំ​។ល។យើងត្រូវបន្តគម្លាតបុគ្គលបន្តទៀត​ដូចជា​អង្គុយគម្លាតពីគ្នា​ ឈររង់ចាំគម្លាតពីគ្នា​ឈរជជែកគ្នាគម្លាតពីគ្នា​ ។ ល។ យើងត្រូវបន្តពាក់ម៉ាសនៅពេលចាំបាច់​និងឧស្សាហ៍លាងដៃជាមួយសាប៊ូ​ អាល់កុល​ ឬជែល​ ។សូមបញ្ជាក់ថា​ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​ ។ព័ត៌មានបន្ថែមសូមទាក់ទងលេខ​១១៥

តាម​លទ្ធផល​រយៈ​ពេល​១០០ថ្ងៃ​នៃ​ការ​អនុវត្ត​យុទ្ធនាការ​ដោះស្រាយការកកស្ទះសំណុំ​រឿង​នៅ​តាម​តុលាការ​សាលា​ដំបូង​រាជ​ធានី​ខេត្ត​នៅ​ទូទាំង​ប្រទេសយ៉ាងហោចណាស់មានសំណុំ​រឿង​ព្រហ្ម​ទណ្ឌ​ចំនួន​៨ ១១៣ ស្មើ​នឹង​៦៣% ត្រូវ​បាន​ដោះ​ស្រាយ​។ បើតាមក្រសួងយុត្តិធម៌ដដែល លទ្ធ​ផល​នេះ គឺ​បាន​មក​ពី​កិច្ច​ខិត​ខំប្រឹង​ប្រែង​ដោះ​ស្រាយ ជាមួយនឹងបញ្ហាប្រឈមនានានៅ​តាម​បណ្ដា​សាលា​ដំបូង​រាជ​ធានី ខេត្ត ដោយ​ក្រុម​ការងារ​ទាំង​៤​និង​លេខាធិកា​រដ្ឋាន​របស់​គណៈកម្មការដឹកនាំយុទ្ធនា​ការ​ដោះ​ស្រាយ​ការ​កក​ស្ទះ​សំណុំ​រឿង​នៅ​តាម​សាលា​ដំបូង​រាជ​ធានី ខេត្ត (គ.យ.ក.ស) និង​ជា​ពិសេសដោយមានការ​ចូល​រួម​ដ៏​សកម្ម​ប្រកប​ដោយ​ឆន្ទៈ និង​ស្មារតី​ទទួល​ខុស​ត្រូវ​ខ្ពស់ ពីសំណាក់ចៅក្រម ព្រះរាជអាជ្ញា ក្រឡា​បញ្ជី អាជ្ញា​សាលា មន្ត្រី រាជការ នៃ​អង្គភាព​រដ្ឋ​បាល​នៃ​សាលាជម្រះក្ដីទាំងអស់ រួមទាំងស្ថាប័ន​ពាក់​ព័ន្ធ​នានា​ផង​។ នេះ​បើ​យោង​តាម​សេចក្តី​ប្រកាស​ព័ត៌មានរបស់ក្រសួងយុត្តិធម៌កាល​ពី​ថ្ងៃទី ២៨ សីហា។

​ត្បូងឃ្មុំ៖ប្រជាពលរដ្ឋ​នៅភូមិអន្លង់ជ្រៃឃុំកក់ស្រុកពញ៉ាក្រែកខេត្ដត្បូងឃ្មុំបាន​ឲ្យ​ដឹងថាអ្នកបើក​សង្វៀន បញ្ជល់មាន់​បង្កប់​ល្បែងស៊ីសង​ច្រើន​ប្រភេទនៅកាស៊ីណូភូមិយើង​គេ​មាន​ខ្នងបង្អែក​យ៉ាង រឹងមាំ ជា​មន្ត្រីជាន់ខ្ពស់ ទើប​ហ៊ាន​ធ្វើ​អ្វីៗ ស្រេច​តែ​អំពើ​ចិត្ត​របស់ខ្លួន​។ អ្នក​ធ្លាប់​ចូលរួម​លេងល្បែង បញ្ជល់មាន់​និង​ល្បែងស៊ីសង ផ្សេងៗ​ក្នុង​ទីតាំង​នោះ ឲ្យ​ដឹង​ទៀតថា នៅ​ផ្លូវ​ចូល​សង្វៀន​បញ្ជល់មាន់​នោះ​មាន​កងសន្តិសុខ​យាមកាម​យ៉ាង​ប្រយ័ត្ន!ប្រយែង​ខ្លាចក្រែង​អ្នកកាសែត​ចូល​ថត​យក​រូបភាព​ទៅ​ផ្សព្វផ្សាយ​។ ប្រជាពលរដ្ឋ​ក្នុងស្រុកពញ៉ាក្រែកខេត្ដត្បូងឃ្មុំបាន​កត់សម្គាល់ថា​ចាប់តាំងពី​មាន​សង្វៀន​បញ្ជល់មាន់​ត្រូវគេ​បើក​លេង​នៅកាស៊ីណូភូមិយើង គឺ​អំពើចោរកម្ម​និង​បទល្មើស​ផ្សេងៗ​កើតឡើង​គួរ​ឲ្យ​ភ័យខ្លាច​។​ពលរដ្ឋ​រស់នៅភូមិអន្លង់ជ្រៃឃុំកក់ស្រុកពញ៉ាក្រែកខេត្ដត្បូងឃ្មុំបន្តទៀតថានៅកាស៊ីណូភូមិយើងកំពុងមាន​ការបើក ឲ្យប្រជាពលរដ្ឋខ្មែរចូលលេងល្បែង​ស៊ីសង​យ៉ាង​ពេញបន្ទុក​ដោយ​គ្មាន មន្ត្រី​អាជ្ញាធរ​ឬ​សមត្ថកិច្ច​ពាក់ព័ន្ធ​ចាត់វិធានការ​បង្ក្រាប​នោះឡើយ​។ នៅក្នុង​បរិវេណ​ទីតាំង​កាស៊ីណូភូមិយើង​នោះ​មាន​សង្វៀន​បញ្ជល់មាន់​ដ៏​ធំ​មួយ​បង្កប់​ដោយ​ល្បែងស៊ីសង​ច្រើន​ប្រភេទ​ទៀត​កំពុងដំណើរការ​យ៉ាងរ​លូន ហើយ​អភិបាលស្រុក​ពញ៉ាក្រែកក៏ដូចជា​អធិការនគរបាល​ស្រុកពញាក្រែក ខេត្ត​ត្បូងឃ្មុំ មិន​ចាត់វិធានការ​ទប់ស្កាត់​ទាល់តែសោះ​។ សូម្បីតែ​លោក​ឧ​ត្ត​ម​សេនីយ៍​ទោ បែន រ័ត្ន ស្នងការ​នគរបាល​ខេត្ត​ត្បូងឃ្មុំ និង​លោកជាមច័ន្ទសោភ័ណ្ឌអភិបាលខេត្ត​ត្បូងឃ្មុំក៏​មិន​ចាត់វិធានការ​បង្ក្រាប​ល្បែងស៊ីសង​ខុសច្បាប់​ឲ្យ​ស្របទៅតាម​គោលនយោបាយ​ភូមិ​ឃុំ​មាន​សុវត្ថិភាព​ទាំង​៩​ចំណុច​នោះឡើយ​។​គួ​របញ្ជាក់ថាសង្វៀន​បញ្ជល់មាន់​និង​ល្បែងស៊ីសង​គ្រប់​ប្រភេទ​ក្នុង​ទីតាំង​នៅកាស៊ីណូភូមិយើងនេះមាន​ពលរដ្ឋ​ខ្មែរ​ចូល​លេង​យ៉ាង​គគ្រឹកគគ្រេង​ដោយ​គ្មាន​សមត្ថកិច្ច​ឬ​មន្ត្រី​អាជ្ញាធរ​មូលដ្ឋាន​ណា​ទប់ស្កាត់​តាម​តួនាទី​របស់ខ្លួន​នៅឡើយ​ទេ​?​។ ​ជា​រៀងរាល់ថ្ងៃ​មាន​ក្រុមអ្នកលេង​ល្បែង​បញ្ជល់មាន់​មកពី​គ្រប់ទិសទី​មក​ប្រមូល​ផ្ដុំគ្នា​នៅ​ទីតាំង​សង្វៀន​បញ្ជល់មាន់​ក្នុង​កាស៊ីណូភូមិយើងហើយ​ក្នុងនោះ​មាន​សមត្ថកិច្ច​ប្រដាប់អាវុធ​និង​មន្ត្រីរាជការ​មួយចំនួន​ចូលរួម​លេងល្បែង​ស៊ីសង​យ៉ាង​គគ្រឹកគគ្រេង​ហើយនឹង​សប្បាយ​យ៉ាងខ្លាំង​ដោយ​មិន​ខ្លាច​អ្វី​ឬ​អាជ្ញា​ធរមាន​សមត្ថកិច្ច​ហ៊ាន​បង្ក្រាប​។​ដូច្នេះហើយ​ទើប​ប្រជាពលរដ្ឋ​អំពាវនាវ​ឲ្យសម្តេច ស ខេងរដ្ឋមន្ត្រី​ក្រសួងមហាផ្ទៃ និង​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ គួរ​បង្ក្រាប​សង្វៀន​បញ្ជ​ល់​មាន់​ក្នុង​តំបន់​កាស៊ីណូភូមិយើងព្រោះ​លោក បែន រ័ត្ន ស្នងការ​នគរបាល​ខេត្ត​ត្បូងឃ្មុំ និង​លោកជាមច័ន្ទសោភ័ណ្ឌ អភិបាលខេត្ត​ត្បូងឃ្មុំ នាំគ្នា​ដេកលក់​យ៉ាង​សុខ​ស្រួល ដេកចាំ​ទទួល​ប្រយោជន៍​ពី​ល្បែងស៊ីសង​ដ៏​ល្បី​នៅក្នុង​កាស៊ីណូភូមិយើងយ៉ាង​ស្ងៀមស្ងាត់​បែបនេះ។​តើ​ឲ្យ​ប្រជាពលរដ្ឋ​រស់នៅ​បែបណា​បើមិនមាន​សុ​វត្តិភាព​? ឯណា​ទៅ​ភូមិ ឃុំ​មាន​សុ​វត្តិភាព​ទាំង​៩ចំណុចដែលរដ្ឋាភិបាលដាក់ចេញនោះ។នៅថៃ្ងទី២៩ខែសីហាឆ្នាំ២០២០នេះសារព័ត៌មានយើងបានទាក់ទងទៅអ្នកពាក់ព័ន្ធដែរតែមិនលើកទូរស័ព្ទ។សារព័ត៌មានយើងផ្សព្វផ្សាយនេះក្នុងន័យជំរុញឲ្យបញ្ឍប់ការលេងល្បែងស៊ីសងខុសច្បាប់គ្រប់ប្រភេទចូលរួមអនុវត្តគោលនយោបាយភូមិឃុំមានសុវត្ថិភាពនិងច្បាប់ស្តីពីការបង្ក្រាបល្បែងស៊ីសងដែលរដ្ឋសភាបានអនុម័តកាលពីឆ្នាំ១៩៩៦។យ៉ាងណាក៏ដោយគេចង់មើលឃើញពីចំណាត់ការរបស់អភិបាលខេត្តត្បូងឃ្មុំនិងថ្នាក់ដឹកនាំសមត្ថកិច្ច ចុះទៅបង្ក្រាបការលួចឲ្យបើកលែងការបញ្ជល់មាន់នៅក្នុងកាស៊ីណូមួយនេះក៏ដូចជា តាមកាស៊ីណូដទៃផងដែរនៅក្នុងខេត្តត្បូងឃ្មុំបើសិនរកឃើញគ្មានច្បាប់ទម្លាប់នៅក្នុងអាជ្ញាប័ណ្ណនោះ៕ជាគន្ធា