អន្តរជាតិ

អង្គការ​អវកាស​​ណាសា​បង្ហោះ​យា​ន Perseverance​ទៅ​ស្វែង​​រក​ដាន​ជីវិត​នៅ​ភព​ព្រះ​​អង្គារ​

កាល​ពី​ថ្ងៃ​ព្រហស្បតិ៍​អង្គការ​អវកាស​ណាសា​របស់​សហរដ្ឋ​អាមេរិកបាន​បង្ហោះ​យាន​រុករក​ថ្មី​មួយ​ឈ្មោះ Perseverance ទៅ​កាន់​ភព​ព្រះ​អង្គារដែល​នេះ​កត់សម្គាល់បេសកកម្ម​ទី​៩របស់​អង្គការ​ណាសា​ទៅ​កាន់​ភព​ក្រហម​នេះ។យាន​Perseverance ដែល​ឈ្មោះ​នេះ​មាន​ន័យ​ថា «ស្មាតី​តស៊ូ​មោះមុត» ត្រូវ​បាន​បាញ់​បង្ហោះ​ពី​លើ​កាំជ្រួច Altas 5 ពី​មជ្ឈមណ្ឌល​អវកាស Cape Canaveral ក្នុង​រដ្ឋ Florida ក្នុង​ថ្ងៃ​ព្រហស្បតិ៍​ដែល​មាន​អាកាសធាតុ​ល្អ​និង​មេឃ​ស្រឡះ។ បេសកកម្ម​នេះ​មាន​តម្លៃ​២.៤០០​លាន​ដុល្លារ ដើម្បី​ស្វែង​រកដាន​នៃ​ជីវិត​ពី​អតីតកាល​នៅភព​អង្គារ​ដែល​នៅជិត​ខាង​ភព​ផែនដី និង​សាកល្បង​ឧបករណ៍​សម្រាប់​បេសកកម្ម​បញ្ជូនមនុស្ស​ទៅ​ភព​អង្គារ​នៅ​ពេល​អនាគត។ យាន Perseverance ត្រូវ​គេ​រំពឹង​ថា​នឹង​ទៅ​ដល់​ភព​អង្គារ​នៅ​ក្នុង​ខែ​កុម្ភៈ​ឆ្នាំ​២០២១ ដោយ​ចុះចត​នៅ​ក្នុង​មាត់​ភ្នំភ្លើង Jezero ជម្រៅ​២៥០​ម៉ែត្រ​លើ​ភព​អង្គារ ដែល​ធ្លាប់​ជា​បឹងមួយ​កាល​ពី​ប្រមាណ​៣.៥០០​លាន​ឆ្នាំ​មុន ហើយ​ដែល​អ្នក​វិទ្យាសាស្ត្រ​សង្ស័យ​ថា​មាន​ដាន​នៃ​ជីវិត​ពី​អតីតកាល។អ្នក​វិទ្យាសាស្ត្រ​តែងសង្ស័យថា​ភព​ព្រះអង្គារ​ធ្លាប់ជា​ភព​ដែល​មាន​បរិយាកាស​អំណោយ​ផល​អាច​ទ្រទ្រង់​ជីវិត​បាន។ កន្លង​មក​ពួក​គេ​បាន​រក​ឃើញ​ស្លាកស្នាម​នៃ​ទឹក​នៅ​លើ​ភព​អង្គារ ហើយ​ទឹក​ជា​សារធាតុ​ទ្រទ្រង់​សំខាន់​មួយ​នៃ​ជីវិត។​ការ​បង្ហោះរបស់​សហរដ្ឋ​អាមេរិក​នេះ​ជា​ការ​បង្ហោះ​យាន​អវកាស​ទី​៣​ទៅ​កាន់​ភព​អង្គារនៅ​ក្នុង​ខែ​កក្កដា​នេះ​បន្ទាប់​ពី​អេមីរ៉ាត​អារ៉ាប់​រួម និង​ប្រទេស​ចិន ដោយ​សារ​អំឡុង​ខែ​កក្កដា ជា​ពេល​ដែល​គន្លង​ភព​អង្គារ​ខិត​មក​ជិត​ភព​ផែនដី​បំផុត៕

ព័ត៌មានជាតិ

គណៈកម្មាធិការចម្រុះកិច្ចការព្រំដែនចេញសេចក្តីថ្លែងការណ៍​ឆ្លើយតបនឹងការផ្សាយព័ត៌មាន​របស់លោ​ករ៉ុង ឈុន

គណៈកម្មាធិការចម្រុះកិច្ចការព្រំដែនចេញសេចក្តីថ្លែងការណ៍ឆ្លើយតបនឹងការផ្សាយព័ត៌មានរបស់លោករ៉ុង ឈុន។

ស៊ើបអង្កេត

ព័ត៌មានមិនមែនជាភ័ស្តុតាង​នោះទេតែវា​ជាតម្រុយឈានទៅរ​កភស្តុតាង

ព័ត៌មានមិនមែនជាភ័ស្តុតាងនោះទេតែវាជាតម្រុយឈានទៅរកភស្តុតាងដើម្បីដាក់បន្ទុកអ្នកប្រព្រឹត្តបទល្មើស។ Information is not evidence, but it is a clue to evidence Information is not evidence, but it is a clue to the evidence to charge the perpetrators.

បរិយាយ

ក-ក-ន៖ត្បូងឃ្មុំគ្មាន​ល្បែងស៊ីសង​ទើប​អាច​កាត់​បន្ថយ​​បទល្មើស​ឆក់​ប្លន់អំពើ​ហិង្សា​ក្នុង​គ្រួសារ​​និង​ជំពា​ក់បំណុល​ធនា​គារបាន​

ផ្ដើមចេញពីល្បែងស៊ីសងជាច្រើនប្រភេទដែលកំពុងរីករាលដាលយ៉ាងពេញបន្ទុកគឺនាំឲ្យកើតមានបទ ល្មើសផ្សេងៗជាច្រើនទៀតដូចជាអំពើចោរកម្មអំពើហិង្សាក្នុងគ្រួសារនិងបទល្មើសជួញដូរចែកចាយ និងប្រើប្រាស់គ្រឿងញៀនដោយខុសច្បាប់ដែលធ្វើឲ្យប៉ះពាល់យ៉ាងខ្លាំងដល់សន្តិសុខសង្គមនាពេលបច្ចុប្បន្ននេះ។ ការបង្រា្កបល្បែងស៊ីសងគឺជាចំណុចមួយដ៏ក្ដៅគគក់នៃគោលនយោបាយភូមិ-ឃុំមានសុវត្ថិភាពទាំង៩ចំណុច ដែលមន្រ្តីអាជ្ញាធរនិងសមត្ថកិច្ចក្នុងតួនាទីជាមន្ត្រីនគរបាលយុត្តិធម៌ត្រូវយកចិត្តទុកដាក់អនុវត្តន៍ទប់ស្កាត់និងបង្ក្រាប ប្រកបដោយប្រសិទ្ធភាពខ្ពស់។បច្ចុប្បន្ននេះនៅតាមបណ្ដាខេត្តត្បូងឃ្មុំ។ពិសេសល្បែងជល់មាន់អាប៉ោងយូគីរកំពុងរាលដាលកាន់តែខ្លាំងឡើងៗ។ប៉ុន្តែគេមិនឃើញមន្រ្តីអាជ្ញាធរនិងសមត្ថកិច្ចចាត់វិធានការបង្រ្កាបនោះឡើយ។ពលរដ្ឋ​នៅត្បូងឃ្មុំបារម្ភ​ពី​ការ​កើន​​ឡើង​នៃ​ល្បែងស៊ីសង​ជល់មា​ន់យូគីនិង​ចាក​អាប៉ោងល្បែងស៊ីសងត្រូវបា​នគេចាត់ទុកថាជាប​ទល្មើសមួយដែលមានការព្រួយបារម្ភពីបញ្ហាសន្តិសុខសុវត្តិភាពដោយសារតែល្បែងជាដើមចមនៃអំពើលួចឆក់ប្លន់និងកាប់សម្លាប់និងជំពាក់បំណុលធនាគារជាដើម។ជាច្រើន​ឆ្នាំ​មក​ហើយរដ្ឋាភិបាល​កម្ពុជា​តែង​ផ្សព្វផ្សាយ​អំពី​គោលការណ៍​ភូមិ.ឃុំ​មាន​សុវត្ថិភាព​ចំនួន​៩​ចំណុចដែល​ក្នុង​នោះក៏​មាន​ការ​លុបបំបាត់​ចោល​ល្បែងស៊ីសង​គ្រប់​ប្រភេទដើម្បី​រក្សា​សន្តិសុខ​នៅ​តាម​តំបន់។ក៏ប៉ុន្តែ​បច្ចុប្បន្ន​ប្រជាពលរដ្ឋនៅខេត្តត្បូងឃ្មុំកំពុងព្រួយបារម្ភនូវការល្បែង​ស៊ីសង​ជាច្រើន​ប្រភេទ​ដូចជា​ប្រជល់​មាន់​ដាក់​ប្រាក់​អាប៉ោងជាដើម។កំពុង​កើតមាន​ពេញបន្ទុកដោយ​មិន​មាន​ការ​បង្ក្រាបពីសមត្ថកិច្ច​ឡើយហើយក៏ធើ្វឲ្យប្រជាពលរដ្ឋមិនមាន​ការ​មិន​សប្បាយចិត្តទាល់តែ សោះចំពោះ​ល្បែងស៊ីសងដែល​កើតមាន​ជាច្រើន​កន្លែង ដោយ​ធ្វើ​ឱ្យ​ប៉ះពាល់​ដល់​សេដ្ឋកិច្ចនិង​ជីវភាព​គ្រួសារ​របស់ពួកគាត់ដែ​កំពុងតែ​ក្រីក្រស្រាប់ឱ្យធ្លាក់ចុះ​មួយ​កម្រិតថែមទៀ​តនោះ។ជា​រៀងរា​ល់ថ្ងៃម្ចាស់កាស៊ីណូភូមិយើងស្ថិតនៅភូមិអន្លង់ជ្រៃ ឃុំកក់ស្រុកពញាក្រែកខេត្តត្បូងឃ្មុំ នៅតែបើកឲ្យពលរដ្ឋខ្មែរចូលលេងល្បែងស៊ីសងយ៉ាងពពាក់ពពូនដោយមិនខ្វល់ពីការឆ្លងរាលដាលនៃជំងឺកូវីដ-១៩ ទាល់តែសោះ។ ប្រការនេះដែលបានវង្វក់ប្រជាពលរដ្ឋខ្មែរជាច្រើនឈ្លក់​វង្វេង​នឹង​ការ​ចំណាយ​ប្រាក់ជល់មាន់យូគីនិង​ចាក់​អាប៉ោងដោយ​មិន​ហ៊ាន​យក​លុយ​ទៅ​ទិញ​ម្ហូបឬក៏​ទិញ​របស់របរ​ប្រើប្រាស់​ទេ។ ការ​ឈ្លក់​វង្វេង​និង​ល្បែងស៊ីសងនេះធ្វើ​ឱ្យ​គ្រួសារ​ខ្លះកើត​រឿង​ឈ្លោះប្រកែក​គ្នានិង​ខ្លះ​ទៀត​ត្រូវ​ជំពាក់​បំណុល​ធានា​គារវ័នក។បច្ចុប្បន្ន​ល្បែង​ជល់មាន់យូគីនិង​ចាក់​អាប៉ោងកំពុង​កើន​ឡើង​នៅ​ខេត្ត​ត្បូងឃ្មុំភ្នាល់ប្រាក់វាល់លានគឺ​វា​កំពុង​ប្រាស់​ចាក​ពី​គោលការណ៍​ភូមិ-ឃុំ​មាន​សុវត្ថិភាពរបស់​រដ្ឋាភិបាល៩​ចំណុចដែលចេញគោលការណ៍មកឱ្យ​បំបាត់ល្បែងស៊ីសងនៅ​តាមជនបទនៅ​តាមភូមិឃុំក៏ដូចជាលប់បំបាត់ប្រជាពលរដ្ឋមិនឲ្យចូលកាស៊ីណូដើម្បីកុំឱ្យមានចោរលួចចោរឆក់ប្លន់​។ទន្ទឹមនឹងនេះល្បែងស៊ីសងត្រូវបា​នគេចាត់ទុកថាជាបទល្មើសមួយដែលមានការព្រួយបារម្ភពីបញ្ហាសន្តិសុខសុវត្តិភាព ។សូមរំលឹកថារាជរដ្ឋាភិបាល​កម្ពុជា​បាន​ដាក់​ឱ្យ​អនុវត្តន៍​គោលនយោបាយ​ភូមិ​ឃុំ​មាន​សុវត្ថិភាព​តាំងពី​ឆ្នាំ​២០០៨​មក​ដើម្បី​ថែរក្សា​សុវត្ថិភាព​ជួន​ពលរដ្ឋ​ឲ្យ​កាន់តែ​ល្អ​ប្រសើរ​។​បន្ទាប់​ពី​ដាក់​ចេញ​គោលនយោបាយ​ពលរដ្ឋ​មានការ​សាទរ​យ៉ាង​ខ្លាំង​ចំពោះ​គោលនយោបាយ​នេះ​។​ទោះជា​យ៉ាងណា​រហូត​មក​ដល់​បច្ចុប្បន្ន​នេះ​គេ​សង្កេត​ឃើញ​ថា​ភាព​អសកម្ម​នៅ​តែ​កើត​មាន​ជា​ហូរហែ​ដូច​ជា​ចោរ​លួច​ឆក់​ប្លន់​ស្ទើរហិង្សាក្នុងគ្រួសារសឹង​រាល់ថ្ងៃ​នៅឯទឹកដីខេត្តត្បូងឃ្មុំយើងនេះ។ ក-ក-ន៖បញ្ហា​​ល្បែងស៊ីសងកំពុង​ពង្វក់ស្មារតី​ប្រជាពលរដ្ឋក៏​ជា​បញ្ហាអាជ្ញាធរខេត្តត្បូងឃ្មុំត្រូវដោះស្រាយ​បន្ទាន់ជនញៀនល្បែងស៊ីសងមិន​ខ្លាច​នឹង​ការ​ប្រព្រឹត្ត​បទឧក្រិដ្ឋ​នោះ​ឡើយ​។​​ដើម្បី​ដោះស្រាយ​បញ្ហា​ខាងលើ​នេះ​អាជ្ញា​ធរមាន​សមត្ថកិច្ច​ខេត្តត្បូងឃ្មុំត្រូវ​មានការ​តាំងចិត្ត​និង​ការទទួលខុសត្រូវខ្ពស់ក្នុងការបង្ក្រាបបទល្មើសជូនប្រជាពលរដ្ឋឲ្យរស់ក្នុងភាពកត់ក្តៅ​កុំគិតតែប្រយោជន៏ផ្ទាល់ខ្លួនក្នុងនាមជាសមត្ថកិច្ចបំរើរាស្រ្តអស់ពីចិត្តពីថ្លើម​ទើប​អាច​កាត់​បន្ថយ​បទល្មើស​ឆក់​ប្លន់អំពើហិង្សាក្នុងគ្រួសារ​និងជំពាក់បំណុលធនាគារបានទាំងស្រុងបាន៕​ចលនាសង្គម

សេដ្ឋកិច្ច

រដ្ឋាភិបាល​ចេញសេចក្តីណែនាំអំពីវិធានការបន្ថែមដើម្បីបន្តគ្រប់គ្រង​ផលប៉ះពាល់លើវិស័​យសំខាន់ៗនៃសេដ្ឋកិច្ចជាតិ នៅក្នុងបរិការណ៍នៃវិបត្តិនិងការស្ដារនិង​ជំរុញកំ​ណើនសេដ្ឋកិច្ចកម្ពុជា​ក្រោយពីវិ​បត្តិនៃជំងឺកូវី​ដ-១៩

រដ្ឋាភិបាលចេញសេចក្តីណែនាំអំពីវិធានការបន្ថែមដើម្បីបន្តគ្រប់គ្រងផលប៉ះពាល់លើវិស័យសំខាន់ៗនៃសេដ្ឋកិច្ចជាតិ នៅក្នុងបរិការណ៍នៃវិបត្តិនិងការស្ដារនិងជំរុញកំណើនសេដ្ឋកិច្ចកម្ពុជាក្រោយពីវិបត្តិនៃជំងឺកូវីដ-១៩។

ព័ត៌មានជាតិ

ឯកឧត្ត​មរដ្ឋមន្ត្រីកសិកម្មបានចូលរួមអមដំណើរឯកឧត្តមជាសុផារ៉ាបា​នអញ្ជើញម​កជួបក្រុមម​ន្រ្តីសុរិយោដីនៅ​តាមគោលដៅ

ឯកឧត្តមរដ្ឋមន្ត្រីកសិកម្មបានចូលរួមអមដំណើរឯកឧត្តមឧបនាយករដ្ឋមន្រ្តីជាសុផារ៉ាបានអញ្ជើញមកជួបក្រុមមន្រ្តីសុរិយោដីនៅតាមគោលដៅនៅតាមបណ្តាឃុំ ក្នុងស្រុកកោះញែក ខេត្តមណ្ឌលគីរី ដើម្បីលើទឹកចិត្តនិងធ្វើការណែនាំបន្ថែមអំពីការងារសំខាន់មួយចំនួនដែលត្រូវអនុវត្ត និងដោះស្រាយការវាស់វែង និងចុះបញ្ជីដីធ្លីដីជូនសហគមន៍ និងប្រជាពលរដ្ឋ ដូចក្នុងស្មារតីអង្គប្រជុំដែលបានសម្រេច៕សហការី  

អន្តរជាតិ

ឆ្លង​ជំងឺ​កូវីដ១៩​ថ្មី​ចំនួន​៧២៣​ករណី​និង​មនុស្ស​ស្លាប់​១៣នាក់​ជា​កំណត់​ត្រា​ថ្មី​រយៈពេល​មួយ​​ថ្ងៃភាគ​ខាង​ត្បូង​​ប្រទេស​​អូស្រ្តាលី

កាលពី​ថ្ងៃ​ពុធ​រដ្ឋ Victoria ភាគ​ខាង​ត្បូង​ប្រទេស​អូស្រ្តាលីបានចុះផ្សាយ​ការឆ្លង​ជំងឺ​កូវីដ១៩​ថ្មី​ចំនួន​៧២៣​ករណី​និង​មនុស្ស​ស្លាប់​១៣នាក់​ជា​កំណត់ត្រា​ថ្មី​រយៈពេល​មួយ​ថ្ងៃ​សម្រាប់​រដ្ឋ​ដែលមានការ​ឆ្លង​ខ្លាំង​បំផុត​មកពី​ជំងឺនេះ។ចំនួន​ឆ្លងមេរោគ​កូរ៉ូណា​ថ្មីមាន​លើសពី៥៣២ករណី​បាន​ចុះផ្សាយ​កាលពី​ថ្ងៃ​ចន្ទសម្រាប់​រដ្ឋ​ដែល​មាន​មនុស្ស​ច្រើន​ទី២​ក្នុង​ប្រទេស​អូស្ត្រាលី។ រដ្ឋ Victoria ឥឡូវនេះ​បានចុះផ្សាយ​ការឆ្លង​ជំងឺ​កូវីដ​១៩​ថ្មី​ទាំងអស់​ចំនួន​៩ពាន់​៩រយ​ករណី​និង​មនុស្ស​ស្លាប់ ១០៥នាក់ ដោយ​បានធ្វើឲ្យ​ករណី​ឆ្លង​សរុប​នៅក្នុង​ប្រទេស​អូស្ត្រាលី​មាន​១ម៉ឺន​៦ពាន់​២រយ​៩៨ករណី​និង​មនុស្ស​ស្លាប់​១៨៩នាក់។ទីក្រុង Melbourne ដែលជា​រដ្ឋធានី​របស់រដ្ឋ Victoria ជា​ទីកន្លែង​ផ្ទុះដ៏​ខ្លាំង​បំផុត​នៃ​ជំងឺ​កូវីដ១៩នៅពេល​បច្ចុប្បន្ននេះ។ លោក David Andrews នាយក​រដ្ឋមន្ត្រី​រដ្ឋ Victoria បាន​ស្តី​បន្ទោស​ការកើនឡើង​នូវការឆ្លងនេះ​លើពួក​អ្នកស្រុក​ដែលបន្ត​ទៅ​ធ្វើការ​ឬស្ថិត​នៅក្នុង​កន្លែងសាធារណៈ​ថ្វីបើ​មាន​រោគ​សញ្ញា​នោះក៏ដោយនិង​ការផ្ទុះឡើង​នៅ​ទីកន្លែង​សម្រាប់​មនុស្ស​ចាស់​រស់នៅ។ លោក Andrews បាន​បញ្ជា​ឲ្យ​ពួក​អ្នកស្រុក​ទាំង​អស់​នៅក្នុង​រដ្ឋ Victoria ពាក់​ម៉ាស់​នៅខាង​ក្រៅ​ដោយ​ចាប់ផ្តើម​ពីថ្ងៃ​អាទិត្យ​ទៅ បន្តការរឹតត្បិត​ដែល​ចូលជាធរមាន​ស្រាប់​សម្រាប់​ទីក្រុង​ Melbourne និង​តំបន់ Mitchell Shire។លោក Andrews ក៏បាន​ចេញ​បទបញ្ជា​ហាមឃាត់​ពួក​អ្នកស្រុក​មិនឲ្យ​នាំភ្ញៀវ​ចូល​ក្នុង​ផ្ទះ​របស់​ខ្លួន​ដោយ​ចូល​ជា​ធរមាន​នៅថ្ងៃ​ព្រហស្បតិ៍នេះ។ទីក្រុង Melbourne កំពុង​ស្ថិត​ក្នុង​ការបិទជិតចំនួន​៦សប្តាហ៍​ដែល​បាន​រឹតត្បិត​ពួក​អ្នក​ស្រុក​មិនឲ្យ​ចាកចេញ​ពីផ្ទះ លើកលែង​តែ​ទៅធ្វើ​ការងារ សាលារៀន ណាត់ជួប​គ្រូ ពេទ្យ​ ឬ​ទៅទិញ​ម្ហូបអាហារ។ក្នុងខណៈនោះដែរ ពួកអាជ្ញាធរ​ក្នុង​រដ្ឋ Queensland បាន​ប្រកាស​ថា ខ្លួននឹង​ហាម ឃាត់​ពួកអ្នក​ស្រុក​មកពី​តំបន់​ Greater Sydney ដែល​ចូលជា​ធរមាន​នៅ​ថ្ងៃ​សៅរ៍ដើម្បីទប់ស្កាត់​ការរាលដាល​នៃមេរោគកូរ៉ូណា។ ការហាមឃាត់​នេះបាន​ត្រូវ​ធ្វើ​ឡើង​បន្ទាប់ពី​ស្ត្រី​២នាក់​បាន​ធ្វើ​តេស្ត​មាន​ជំងឺ​កូវីដ១៩​វិជ្ជមាន​ បន្ទាប់ពី​បាន​វិល​ត្រឡប់​ទៅកាន់រដ្ឋធានី​ Brisbane មកពី​ការធ្វើ​ដំណើរ​ទៅកាន់​ទីក្រុង Melbourne កាត់តាម​ទីក្រុង​ស៊ីដនី​បានធ្វើ​តេស្ត​មេរោគ​កូរ៉ូណា​វិជ្ជមាន​ហើយមិន​ស្ថិត​នៅដាច់​ពីគេ៕

ព័ត៌មានជាតិ

សម្តេចហ៊ុនសែន៖អរគុណសន្តិភាពខួប១១ឆ្នាំនៃការដាក់បញ្ចូលបណ្ណសារសា​រមន្ទីរទួលស្លែងក្នុង​បញ្ជីស្មារតីចងចាំនៃ​ពិភពលោក

អបអរសាទរខួប១១ឆ្នាំនៃការដាក់បញ្ចូលបណ្ណសារសារមន្ទីរទួលស្លែងក្នុងបញ្ជីស្មារតីចងចាំនៃពិភពលោក របស់អង្គការយូណេស្កូនៅថ្ងៃទី៣១កក្កដានេះ។បណ្ណសារសារមន្ទីរទួលស្លែងបានចុះក្នុងបញ្ជីស្មារតីចងចាំនៃពិភពលោកថ្នាក់តំបន់អាស៊ីប៉ាស៊ីហ្វិកនៅខែកុម្ភៈឆ្នាំ២០០៨ហើយបន្តទទួលចុះក្នុងបញ្ជីស្មារតីចងចាំនៃពិភពលោកថ្នាក់អន្តរជាតិនៅថ្ងៃទី៣១ ខែកក្កដា ឆ្នាំ​ ២០០៩។ បច្ចុប្បន្នសារមន្ទីរទួលស្លែង កំពុងអនុវត្តគម្រោងអភិរក្សនិងថតចម្លងឯកសារឌីជីថលជិត៥០០,០០០ទំព័រទៅក្នុងប្រព័ន្ធកុំព្យូរទ័រ ក្រោមជំនួយឧបត្ថម្ភរបស់ទីភ្នាក់ងារសហប្រតិបត្តិការអន្តរជាតិកូរ៉េ (KOICA) តាមរយៈអង្គការយូណេស្កូ។ សូមថ្លែងអំណរគុណចំពោះក្រុមការងារចម្រុះ ដែលមានសមាសភាពមកពីទីស្តីការគណៈរដ្ឋមន្ត្រី គណៈកម្មាធិការយូណេស្កូជាតិ ការិយាល័យយូណេស្កូភ្នំពេញ និងក្រសួងវប្បធម៌និងវិចិត្រសិល្បៈ(នាយកដ្ឋានសារមន្ទីរនិងសារមន្ទីរទួលស្លែង) ដែលបានសហកសរចូលរួមរៀបចំស្រាវជ្រាវ ​និងចងក្រងឯកសារស្នើសុំនេះឡើង៕សហការី

ព័ត៌មានជាតិ

ថ្ងៃនេះជាសះស្បើយ​២នា​ក់​និងយើងពុំរកឃើញក​រណីជំងឺកូវីដ-១៩​ថ្មី​ទេ​​

រហូតដល់ម៉ោង​០៨:០០​ព្រឹក​ ថ្ងៃទី៣១កក្កដា​២០២០​យើងពុំរកឃើញករណីជំងឺកូវីដ-១៩​ ថ្មី​ទេ​។ដូច្នេះចំនួនសរុប​២៣៤នាក់ដដែល​ចំនួនសំរាកនៅពេទ្យ​៧០នាក់​ចំនួនជាសះស្បើយសរុប​ចំនួន១៦៤នាក់​និងស្លាប់គ្មាន​។ជំងឺកូវីដ-១៩​ នៅតែបន្តគម្រាមកំហែងយើងជាប់ជានិច្ច​សូមបងប្អូនបន្តប្រយ័ត្ន!ជាប់ជានិច្ចដោយអនុវត្តអនាម័យ​នៅឃ្លាតឆ្ងាយពីគ្នា​ មិនចេញក្រៅផ្ទះបើមិនចាំបាច់​ព្រោះប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩​ ដ៏ខ្លាំងក្លានៅឡើយ​ ។យើងត្រូវបន្តអនុវត្តគម្លាតសង្គមបន្តទៀត​ដូចជាពន្យារការរៀបអាពាហ៍ពិពាហ៍ពិធីជប់លៀង​ ការចាក់ធុងបាសរាំ​។ល។យើងត្រូវបន្តគម្លាតបុគ្គលបន្តទៀត​ដូចជា​អង្គុយគម្លាតពីគ្នា​ឈររង់ចាំគម្លាតពីគ្នា​ ឈរជជែកគ្នាគម្លាតពីគ្នា​។ ល។យើងត្រូវបន្តពាក់ម៉ាស់នៅពេលចាំបាច់​និងឧស្សាហ៍លាងដៃជាមួយសាប៊ូ​អាល់កុល​ ឬជែល​។សូមបញ្ជាក់ថា​ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​ ។ ព័ត៌មានបន្ថែមសូមទាក់ទងលេខ​ ១១៥

ព័ត៌មានជាតិ

រដ្ឋមន្រ្តីកសិកម្មបានអញ្ជើញមកកាន់ខេត្តមណ្ឌលគីរីចូលរួ​មដោះស្រាយ​បញ្ហាវិវាទដីធ្លីជា​លក្ខណៈអ​ន្តរក្រសួង

ឯកឧត្តមរដ្ឋមន្រ្តីកសិកម្មបានអញ្ជើញមកកាន់ខេត្តមណ្ឌលគីរីក្នុងកម្មវត្ថុចូលរួមដោះស្រាយបញ្ហាវិវាទដីធ្លីជាលក្ខណ:អន្តរក្រសួង។ ឆ្លៀតយកពេលវេលាដ៏មមាញឹកនេះ នាព្រឹកថ្ងៃពុធ ៩កើត ខែស្រាពណ៏ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី ២៩ ខែកក្កដា ឆ្នាំ២០២០ ឯកឧត្តមរដ្ឋមន្រ្តី អមដំណើរជាមួយដោយឯកឧត្តម អ៊ុង សំអាត រដ្ឋ លេខាធិការ ឯកឧត្តម អេង ជាសាន ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានរដ្ឋបាលជលផល ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត លោក ឈឹម កាន អភិបាលរងខេត្ត និងសហការី បានអញ្ជើញមកភូមិអូយ៉េះ ឃុំស្រែសង្គម ស្រុកកោះញែក ដើម្បីមកជួបសំណេះ សំណាលជាមួយបងប្អូនប្រជាកសិករ និងចែកកូនកង្កែប កូនត្រីអណ្តែង តង់ចិញ្ចឹមត្រី-ចិញ្ចឹមកង្កែប និងចំណីត្រីជូនបងប្អូនវារីវប្បករចំនួន ៥០គ្រួសារដោយគ្រួសារនីមួយៗបានទទួលកូនកង្កែបចំនួន ៤០០ក្បាល និងកូនត្រីអណ្តែងចំនួន ៧០០ក្បាល និងជាពិសេសមកលើកទឹកចិត្តក្មួយស្រី កន សុខណុច ជានិស្សិតឆ្នាំទី៣ នៅវិទ្យាស្ថានជាតិកសិកម្មកំពង់ចាម ដែលជាវារីវប្បករឈានមុខគេក្នុងការចិញ្ចឹមកង្កែបក្នុងតំបន់នេះ។ជាបឋម លោក សុង ឃាង ប្រធានមន្ទីរកសិកម្ម […]