ព័ត៌មានជាតិ

ក្រសួងការបរទេសបញ្ជាក់ថាប្រធានាធិបតីសហរដ្ឋអាមេរិកសម្រេចលើ​កពេលកិច្ចប្រជុំកំពូល​ពិសេសអា​ស៊ាន-អាមេរិក

ក្រសួងការបរទេសបញ្ជាក់ថាប្រធានាធិបតីសហរដ្ឋអាមេរិកសម្រេចលើកពេលកិច្ចប្រជុំកំពូលពិសេសអាស៊ាន-អាមេរិក

ព័ត៌មានជាតិ

ឯកអគ្គរាជទូត​កម្ពុជា​ប្រចាំ​នៅ​អង្គការ​សហប្រជាជាតិបាន​ប្រាប់​​ទៅ​​គណៈ​ប្រតិ​ភូ​​​សហ​ភាព​​អឺរ៉ុប​​ថាដំណើរ​​ការ​កាត់​​ទោស​អតីត​ប្រធាន​គណបក្ស​ប្រឆាំង​លោក​​កឹម សុខា​កំពុង​ប្រព្រឹត្ត​ទៅ​​ដោយ​រលូន​និ​ង​មា​ន​តម្លាភាព

វិទ្យុបារាំងបានចុះផ្សាយថាឯកអគ្គរាជទូត​កម្ពុជា​ប្រចាំ​នៅ​អង្គការ​សហប្រជាជាតិបាន​ប្រាប់​​ទៅ​​គណៈ​ប្រតិ​ភូ​​សហ​ភាព​​អឺរ៉ុប​​ថាដំណើរ​ការ​កាត់​ទោស​អតីត​ប្រធាន​គណបក្ស​ប្រឆាំង​លោក​ កឹម សុខា​កំពុង​ប្រព្រឹត្ត​ទៅ​ដោយ​រលូន​និង​មាន​តម្លាភាព​។ ​ជាង​នេះ​ទៅ​ទៀត​ ការ​ចោទ​ប្រកាន់​របស់​​គណៈ​ប្រតិភូ​​សហភាព​អឺរ៉ុបនៅ​ក្នុង​កិច្ច​ប្រជុំ​ក្រុម​ប្រឹក្សា​សិទ្ធិ​មនុស្ស​អង្គការ​សហ​ប្រជា​ជាតិ​​លើក​ទី​៤៣ ​មិ​ន​បាន​បរិយាយ​ត្រឹម​ត្រូវ​ពី​កម្ពុជា​សោះ​ឡើយ​។​ ឯកអគ្គរាជទូត​កម្ពុជា​ប្រចាំ​នៅ​អង្គការ​សហប្រជាជាតិ លោ​ក ​អាន​ សុខខឿន ​បាន​ប្រាប់​ទៅ​គណៈប្រតិភូ​សហភាព​អឺរ៉ុប​នៅ​ក្នុង​កិច្ច​ប្រជុំ​ក្រុម​ប្រឹក្សា​សិទ្ធិ​មនុស្ស​អង្គការ​សហប្រជាជាតិ​កាល​ពី​ថ្ងៃទី ​២៨​ កុម្ភៈ ​ថា ​ដំណើរ​ការ​កាត់​ទោស​អតីត​ប្រធាន​គណបក្ស​ប្រឆាំង​លោក​ កឹម សុខា ​កំពុង​ប្រព្រឹត្ត​ទៅ​ដោយ​រលូន ​និង​មាន​តម្លាភាព​។ ​ប៉ុន្តែ​អ្នក​ឃ្លាំមើ​ល​សវនាការ​មក​ពី​អង្គការ​សង្គម​ស៊ីវិល ​លោក​ សាំង ​សែនករុណា ​មិន​បង្ហាញ​ការ​ភ្ញា​ក់​ផ្អើ​ល​ ចំពោះ​សេចក្តី​ថ្លែងការណ៍​របស់​តំណាង​កម្ពុជា​នៅ​អង្គការ​សហប្រជាជាតិ​នេះ​ឡើយ​។ការ​ចេញ​មក​បញ្ជាក់​របស់​ឯកអគ្គរាជ​ទូត​កម្ពុជា​ប្រចាំ​នៅ​អង្គការ​សហប្រជាជាតិ​យ៉ាង​ដូច្នេះ ​គឺ​​ជា​ការ​ឆ្លើយតប​ទៅ​នឹង​របាយការណ៍​របស់​គណៈប្រតិភូ​សហភាព​អឺរ៉ុប​តំណាង​ដោយ​ប្រទេស​អូស្ត្រាលី ​និង​បារាំង ​នៅ​ក្នុង​កិច្ច​ប្រជុំ​លើកទី​៤៣​នៃ​ក្រុម​ប្រឹក្សា​សិទ្ធិ​មនុស្ស​អង្គការ​សហប្រជាជាតិ ​នៅ​ទី​ក្រុង​សឺណែវ​ប្រទេស​ស្វីស កាលពី​ថ្ងៃទី ​២៨​ កុម្ភៈ​​​។ ​គណៈប្រតិភូ​សហភាព​អឺរ៉ុប​តំណាង​ដោយ​ប្រទេស​អូស្ត្រាលី ​និង​បារាំង ​ដែល​បាន​អំពាវ​នាវ​ជា​ថ្មី​ម្តង​ទៀត ​ឲ្យ​អាជ្ញាធររដ្ឋាភិបាល​កម្ពុជា ​ស្តា​លទ្ធិប្រជាធិបតេយ្យ ​និង​បើក​លំហ​សេរីភាព​នយោបាយ ​អង្គការ​សង្គម​ស៊ីវិល ​សេរីភាព​សារព័ត៌មាន ​ព្រមទាំង​ដោះលែង​សកម្មជន​អតីត​គណបក្ស​ប្រឆាំង​ទាំងអស់​អោយ​មាន​សេរីភាព​ឡើង​វិញ​។ ​ក៏​ប៉ុន្តែ​ឯកអគ្គរាជទូត​កម្ពុជា​ប្រចាំ​នៅ​អង្គការ​សហប្រជាជាតិ ​លោក ​អាន ​សុខខឿន ​បាន​ប្រើប្រាស់​សិទ្ធិ​ក្នុង​ការ​ឆ្លើយតប​របស់ក​ម្ពុជា​ថា ​របាយការណ៍​ដែល​លើក​ឡើង​ដោយ​គណៈប្រតិភូ​សហភាព​អឺរ៉ុប​តំណាង​ដោយ​ប្រទេស​អូស្ត្រាលី ​និង​បារាំង​នេះ ​គឺ​មិន​បាន​បរិយាយ​ត្រឹមត្រូវ​ពី​ស្ថានភាព​កម្ពុជា ​តាម​រយៈ​សេចក្តី​ថ្លែងការណ៍​លម្អៀង ​ជា​របាយ​ការណ៍​ដែល​លើក​ឡើង​តែ​មួយ​ជ្រុង ​និង​ជា​របាយការណ៍​ដែល​ធ្វើ​ឡើង​ក្រោម​ហេតុផល​នយោបាយ ​និង​ស្តង់​ដារពីរ​។ ​នៅ​ក​ម្ពុជា ​គ្រប់​គណបក្ស​នយោបាយ […]

ស៊ើបអង្កេត

មន្រ្តីគ្រាក់ៗត្បូងឃ្មុំមានភាគ​ហ៊ុនខ្យល់នៅសង្វៀន​ល្បែង​ស៊ីសង​ដូង៧​ដើម

ត្បូងឃ្មុំ៖ប្រភពពី​ប្រជាពលរដ្ឋ​បាន​ឲ្យ​ដឹងថាឈ្មោះហេងនិង​ឈ្មោះលឹមបាន​បើក​សង្វៀន​បញ្ជល់មាន់ក៏ដូចជា​វង់​អាប៉ោង​យូគី​នៅ​ចំណុច​ដូង​៧​ដើម​យ៉ាង​ពេញបន្ទុកព្រោះ​អភិបាលស្រុកក៏ដូចជា​អធិការនគរបាល​ស្រុក​មេមត់និងអភិបាលខេត្តនិងស្នងការខេត្តរួមទាំងមេPM បាន​រក្សា​ភាព​ស្ងៀមស្ងាត់​ធ្វើ​មិនដឹងមិនឮ​អ្វី​ទាំងអស់​ខណៈមានសេចក្តីរាយការណ៍មកថាមានមន្រ្តីគ្រាក់ៗក្នុងខេត្តត្បូងឃ្មុំមានភាគហ៊ុនខ្សល់(ដាក់ខែ)នៅទីតាំងវង់ល្បែងនេះ។ ប្រជាពលរដ្ឋ​ក្នុង​ឃុំ​ដារបាន​ឲ្យ​ដឹងថាអ្នក​ចូល​លេងល្បែង​ភាគច្រើន​ជា​ពលរដ្ឋ​ខ្មែរ​នៅក្នុង​ស្រុក​មេមត់នៅក្នុង​ខេត្ត​ត្បូងឃ្មុំ ក៏ដូចជា​មកពី​រាជធានី​ភ្នំពេញនិង​បណ្ដា​ខេត្ត​ដទៃទៀត ហើយ​ក្នុង​មួយថ្ងៃៗ​ម្ចាស់​វង់ល្បែង​ស៊ីសង​ឈ្មោះហេង និង​ឈ្មោះ លឹមប្រមូល​លុយ​បាន​រាប់ម៉ឺន​រាប់សែន​ដុល្លារ​។ ប្រភព​ខ្លះ​បាន​ឲ្យ​ដឹងថាអភិបាលស្រុក​មេមត់ក៏ដូចជា​អធិការនគរបាល​ស្រុក​មេមត់ទទួលបាន​ផលប្រយោជន៍​ពី​ឈ្មោះហេង និង​ឈ្មោះ លឹម ដែលជា​មេ​ល្បែងស៊ីសង​ទើប​មិន​ចាត់វិធានការ​បង្ក្រាប​ល្បែងស៊ីសង​ដើម្បី​ពង្រឹង​សន្តិសុខ​សង្គម​។ប្រភពពី​ប្រជាពលរដ្ឋ​រស់នៅក្នុង​ភូមិ​ដារ ឃុំ​ដារ ស្រុក​មេមត់ ខេត្ត​ត្បូងឃ្មុំ បាន​ឲ្យ​ដឹងថា ក្នុង​មូលដ្ឋាន​ពួកគាត់​មាន​សង្វៀន​បញ្ជល់មាន់​ក៏ដូចជា​ល្បែង​អាប៉ោង​យូគីកើតឡើង​យ៉ាង​រាលដាល​ដោយ​គ្មាន​មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ចាត់វិធានការ​បង្ក្រាប​ឡើយ​។ សូម្បីតែ​លោក​ឧ​ត្ត​ម​សេនីយ៍​ទោ បែន រ័ត្ន ស្នងការ​នគរបាល​ខេត្ត​ត្បូងឃ្មុំ និង​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំក៏​រក្សា​ភាព​ស្ងៀមស្ងាត់​ទុក​ឲ្យ​ល្បែងស៊ីសង​កើតឡើង​យ៉ាង​ពេញបន្ទុក​នៅ​ចំណុច​ដូង​៧​ដើម ភូមិ​ដារ ឃុំ​ដារ ស្រុក​មេមត់ ខេត្ត​ត្បូងឃ្មុំ នោះដែរ​។ ប្រការ​នេះហើយ​ទើប​ប្រជាពលរដ្ឋ​អំពាវនាវ​ឲ្យ​ថ្នាក់ដឹកនាំ​ក្រសួងមហាផ្ទៃនិង​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិចាត់វិធានការ​បង្ក្រាប​ល្បែងស៊ីសង​ក្នុង​ឃុំ​ដារ ស្រុក​មេមត់ជាបន្ទាន់​ដើម្បី​ឲ្យ​ស្របទៅតាម​គោលនយោបាយ​ភូមិ​-​ឃុំ មាន​សុវត្ថិភាព​ទាំង​៩​ចំណុច​។មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ក្នុង​ឃុំ​ដារ ស្រុក​មេមត់ ខេត្ត​ត្បូងឃ្មុំ បាន​ឲ្យ​ដឹងថា ពួកគេ​គ្មាន​លទ្ធភាព​បង្ក្រាប​ល្បែងស៊ីសង​ដែល​ឈ្មោះ ហេង និង​ឈ្មោះ លឹម កំពុងបើក​ដំណើរការ​យ៉ាង​រលូន​នោះទេ ព្រោះ​មេ​ល្បែងស៊ីសង​ទាំង​២​នាក់​នេះ​មាន​ខ្នងបង្អែក​រឹងមាំ​។ ជាក់ស្ដែង​ល្បែងស៊ីសង​កើតឡើង​យ៉ាង​ពេញបន្ទុក​នៅ​ចំណុច​ដូង​៧​ដើម ឃុំ​ដារ ស្រុក​មេមត់ ហើយ​លោក​ឧ​ត្ត​ម​សេនីយ៍​ទោ បែន រ័ត្ន ស្នងការ​នគរបាល​ខេត្ត​ត្បូងឃ្មុំ និង​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ […]

អន្តរជាតិ

ម៉ិកស៊ិក​បានប្រកាស​ថា​មាន​​ករណី​មេរោគ​វីរុស​កូរ៉ូ​ណា​ចំនួន​២​នៅ​​ដំណាក់​ដំបូង​

​កាល​ពីថ្ងៃ​សុក្រ​អាជ្ញាធរ​សុខាភិបាល​ម៉ិកស៊ិក​បានប្រកាស​ថា​ពិត​ជា​មាន​ករណី​មេរោគ​វីរុស​កូរ៉ូណា​ចំនួន​២​នៅ​ដំណាក់​ដំបូង​នៅ​ក្នុង​ប្រទេស​ម៉ិកស៊ិក។​បុរស​ម្នាក់​នៅ​ក្នុង​ក្រុង​ម៉ិកស៊ិក​ ដែល​បាន​ទៅ​ទស្សនា​ប្រទេស​អ៊ីតាលី​ កាលពី​ពេល​ថ្មីៗ​នេះ​បាន​ធ្វើ​តេស្ត​ឃើញ​វិជ្ជមាន​កាល​ពីថ្ងៃ​សុក្រ​ ហើយ​អ្នកជំងឺ​ម្នាក់​ទៀត​នៅ​ក្នុង​រដ្ឋ ​Sinaloa ត្រូវ​បាន​បញ្ជាក់​ថា​មាន​ផ្ទុក​មេរោគ​នេះ​មែន។ ក្រៅ​ពី​ប្រទេស​ម៉ិកស៊ិក​ ប្រទេស​ប្រេស៊ីល​ជា​ប្រទេស​តែ​មួយ​គត់​ក្នុង​ទ្វីប​អាមេរិកឡាទីន​ដែល​មាន​មេរោគ​វីរុសកូរ៉ូណា។​មេរោគ​វីរុសកូរ៉ូណា​បាន​លេច​ឡើង​នៅ​ក្នុង​ប្រទេស​យ៉ាង​តិច​ណាស់​ប្រាំ​ទៀត​កាល​ពីថ្ងៃ​សុក្រ​គឺ​ប្រទេស​អាហ្សែបៃហ្សង់ បេឡារុស លីទុយអានី ​នូវែលសេឡង់ និង​នីហ្សេរីយ៉ា។ ករណី​នៅ​ក្នុង​ប្រទេសនីហ្សេរីយ៉ា​ ដែល​ត្រូវ​រក​ឃើញ​នៅ​ក្នុង​រដ្ឋធានី​សេដ្ឋកិច្ច ​Lagos ​ជា​ករណី​ទីមួយ​នៅ​ក្នុង​តំបន់​ខាង​ត្បូង​សមុទ្រ​ខ្សាច់​សាហារ៉ា​ហើយ​ជា​ករណីទី​៣​ត្រូវ​បញ្ជាក់​ថា​ពិត​ជា​មាន​នៅ​ក្នុង​ទ្វីប​អាហ្វ្រិក។ ពួកមន្ត្រី​នីហ្សេរីយ៉ា​បាន​និយាយ​ថា ​ករណី​នេះ​មាន​ទាក់​ទិន​នឹង​ពលរដ្ឋ​អ៊ីតាលី​ម្នាក់​ដែល​បាន​ចូល​ក្នុង​ប្រទេស​នេះ​ក្នុង​សប្តាហ៍​នេះ។ នៅ​ក្នុង​ប្រទេស​អាហ្សែបៃហ្សង់​ ពលរដ្ឋ​រុស្ស៊ី​ម្នាក់​ដែល​បាន​ទៅ​ដល់​ទីនោះ​ពី​ប្រទេស​អ៊ីរ៉ង់ត្រូវ​បាន​បញ្ជាក់​ថា​ មាន​ផ្ទុកមេរោគ​វីរុស​នេះ។ នៅ​ក្នុងប្រទេស​បេឡារុស​ និស្សិត​អ៊ីរ៉ង់​ម្នាក់​ដែល​បាន​ទៅ​ដល់​ប្រទេស​នេះ​ពី​ប្រទេស​អាហ្សែបៃហ្សង់​ បានធ្វើ​តេស្ត​ឃើញ​វិជ្ជមាន​។ប្រទេស​លីទុយអានី​ ក៏​បាន​ប្រកាសកាល​ពីថ្ងៃ​សុក្រ​ដែរ​ថា ​ស្ត្រី​មា្នក់​ដែល​វិល​ត្រឡប់​ពី​ទស្សនកិច្ច​មួយ​ក្នុង​ប្រទេស​អ៊ីតាលី​ក្នុង​សប្តាហ៍​នេះ​បាន​ធ្វើ​តេស្ត​ឃើញ​វិជ្ជមាន។​ប្រទេស​នូវែសេឡង់​បាន​បញ្ជាក់​អំពី​ករណី​ទីមួយ​នៃ​មេរោគ​វីរុស​កូរ៉ូណា​កាល​ពីថ្ងៃ​សុក្រ​ដោយ​និយាយ​ថា ​មនុស្ស​ម្នាក់​ដែល​មក​ដល់​កាល​ពី​ពេល​ថ្មីៗ​នេះ​ពី​ប្រទេស​អ៊ីរ៉ង់​បាន​ធ្វើ​តេស្ត​ឃើញ​វិជ្ជមាន។​នៅ​ក្នុងប្រទេស​ហូឡង់​ ករណី​ទី​មួយ​បាន​ត្រូវ​បញ្ជាក់​ថា ​កើត​មាន​កាល​ពី​យប់​ថ្ងៃព្រហស្បតិ៍​ហើយ​ករណី​មួយ​ទៀត​បាន​ត្រូវ​បញ្ជាក់​កាល​ពីថ្ងៃ​សុក្រ។ជន​ទាំង​ពីរ​នាក់​នេះ​បាន​ធ្វើ​ដំណើរ​កាល​ពី​ពេល​ថ្មីៗ​នេះ​ទៅ​កាន់​ភាគ​ខាង​ជើង​នៃ​ប្រទេស​អ៊ីតាលី។​ចំនួន​នៃ​ករណី​មេរោគ​វីរុសកូរ៉ូណា​ថ្មីៗ​បាន​ចុះ​ថយ​នៅ​ក្នុងមជ្ឈ​មណ្ឌល​នៃ​ការ​រាលដាល​ជំងឺ​នេះ​គឺ​ប្រទេស​ចិន​ ក៏​ប៉ុន្តែ​បាន​កើន​ឡើង​ច្រើន​នៅ​ក្នុង​ប្រទេស​កូរ៉េខាង​ត្បូង ដែល​មាន​អ្នក​ជំងឺ​នេះ​ច្រើន​ជាង​គេ​នៅ​ខាង​ក្រៅ​ប្រទេស​ចិន។គណៈកម្មការ​សុខាភិបាល​ជាតិ​នៃ​ប្រទេស​ចិន​បាន​រាយការណ៍​អំពីករណី​ថ្មីៗ​៣២៧​និង​មាន​មនុស្ស​ស្លាប់​៤៤​នាក់​កាល​ពី​ព្រឹក​ថ្ងៃ​សុក្រដែល​ជា​ចំនួន​ករណី​ថ្មីៗ​តិច​បំផុត​ក្នុង​ពេល​ជាង​មួយ​ខែ។ ក៏​ប៉ុន្តែ​ចំនួន​ករណី​នៃ​អ្នកជំងឺ​នេះ​ក្នុង​ប្រទេស​កូរ៉េ​ខាង​ត្បូង​បាន​កើន​ដល់​២,៣៣៧​នាក់​ដោយ​មាន​ករណី​ថ្មីៗ​៥៧១​នាក់​និង​មាន​មនុស្ស​ស្លាប់​១៦​នាក់។ ភាគ​ច្រើន​នៃ​ករណី​ទាំង​នេះ​មាន​នៅ​ក្នុង​ក្រុង​ Daegu ដែល​ជា​ក្រុង​ធំទី​បួន​ក្នុង​ប៉ែក​ខាងត្បូង​ប្រទេស៕

ព័ត៌មានជាតិ

សម្តេចហ៊ុនសែន៖តើខ្ញុំ​ពិតជាសង្ហាដូច​ចិនសរសើរ​មែនទេ?

ថ្ងៃ២៤កុម្ភៈ២០២០កន្លងមកនេះមានស្ត្រីអ្នកកាសែតចិនម្នាក់បានប្រាប់ខ្ញុំថាមានជនជាតិចិនមួយចំនួនបានដាក់ឈ្មោះឱ្យខ្ញុំថា(បុរសសង្ហាធ្វើដំណើរបញ្ច្រាស)។តើខ្ញុំពិតជាសង្ហាមែនទេ?ក្នុងឯកសណ្ឋានវាយកូនគោលនាព្រឹកនេះ។សូមទោសនិយាយលេងទេព្រោះបើទោះជាសង្ហាឬមិនសង្ហាក៏ពេលនេះមានចៅ២០នាក់រួចទៅហើយដែរ៕ដោយ៖សហការី

ព័ត៌មានជាតិ

ក្រសួង​កសិកម្ម​រឹតបន្តឹងលើនាំ​ចូលសាច់​បក្សីខុស​ច្បា​ប់ពីប្រទេ​​សវៀតណាម

បន្ទាប់ពី​មានការផ្ទុះជំងឺ​គ្រុនផ្តាសាយបក្សីH5N1នៅភាគខាង​ត្បូងប្រទេសវៀ​តណាម។ ក្រសួង​កសិកម្មកម្ពុជាបាន​ស្នើឱ្យអាជ្ញាធរជាប់ព្រំ​ដែនវៀតណាមធ្វើកា​ររឹតបន្តឹងលើការ​នាំចូលសា​ច់បក្សីខុសច្បាប់​ពីប្រទេសវៀ​តណាម។ លោកស្រី វុឌ្ឍី អ្នកនាំពាក្យក្រសួ​ងកសិកម្មកម្ពុជា បានអះ​អាងប្រាប់បណ្តាញពត៌មាននៅព្រឹក​ថ្ងៃសុក្រនេះថាក្រសួង​កំពុងរឹតបន្តឹងលើនាំ​ចូលសាច់បក្សីខុស​ច្បាប់ពីប្រទេ​សវៀតណាម។ ចំណែកសាច់បក្សី​ដែល​នាំចូលស្រ​បច្បាប់វិញ គឺត្រូវ​បានត្រួតពិនិត្យ​ច្បាស់លាស់មុ​នអនុញ្ញាតឱ្យនាំចូលដើម្បី​បង្ការពីការឆ្ល​ងនៃជំងឺគ្រុន​ផ្តាសាយ​បក្សី ​។ បន្ថែមពី​លើការរឹតបន្តឹងលើ​ការនាំចូ​លសាច់បក្សីពីប្រ​ទេសវៀតណា​មនេះ ក្រសួងកសិក​ម្មក៏បានអំពា​វនាវដល់ម្ចា​ស់កសិដ្ឋានចិញ្ចឹ​មសត្វបក្សីធំៗនៅក្នុងស្រុកឱ្យ​មានការប្រុង​ប្រយ័ត្នឱ្យបានខ្ពស់ដើម្បី​ចៀសវាងកា​រឆ្លងជំងឺគ្រុន​ផ្តាសាយ​បក្សី ​H5N1នេះផង​ដែរ​។ក្រៅពីក្រ​សួងកសិកម្មនេះ ក្រសួងសុ​ខាភិបាលកម្ពុជាក៏​បានអំពាវនាវដល់ប្រជាព​លរដ្ឋដែលរស់នៅ​ជាប់​ព្រំដែន​ជាមួយប្រទេស​វៀតណាម​ដូចជា​ ខេត្ត​កណ្តាល ​ស្វាយរៀង ​ព្រៃវែង​ ត្បូងឃ្មុំ​ កំពត​ រតនគីរី​ មណ្ឌលគីរី​ កែប​ និង​តាកែវឱ្យមានប្រុងប្រយ័ត្នខ្ពស់ពីការឆ្លងនៃជំងឺនេះ។ ក្រសួងសុខាភិបាលកម្ពុជាបានប្រាប់ប្រជាពល​រដ្ឋកុំឱ្យទទួល​ទាន​បក្សី​ឈឺ​ឬ​ងាប់​និងត្រូវ​ចំអិន​​ឱ្យ​បាន​ឆ្អិន​ល្អ​មុន​នឹង​បរិភោគ។ ​ជាមួយគ្នានេះ ក្រសួងសុខាភិបាលក៏បានប្រាប់ឱ្យប្រជាពលរដ្ឋត្រូវលាងដៃ​ឱ្យ​បាន​ញឹកញាប់​ជាមួយ​សាប៊ូ ​និង​ទឹក​មុន​ពេល​បរិភោគ​និង​បន្ទាប់​ពី​ប៉ះពាល់​ផ្ទាល់​ជាមួយ​បក្សី។លើស​ពីនេះទៅទៀត ក្រសួងសុខា​ភិបាលកម្ពុជា ក៏ជំរុញឱ្យអាជ្ញា​ធរខេត្តយកចិ​ត្តទុកដាក់ខ្លាំងពីប​ញ្ហាជំងឺគ្រុន​ផ្តាសាយ​បក្សី ​H5N1នេះផងដែរ។ ក្រសួងសុខាភិ​បាលកម្ពុជា បានប្រាប់ឱ្យអភិបាល​នៃ​គណៈ​អភិបាល​រាជធានី​ខេត្ត​បង្កើន​ការ​ប្រុង​ប្រយ័ត្ន​និង​ធ្វើការ​ណែនាំ​អប់រំ​ប្រជា​ពលរដ្ឋ​ ដើម្បី​បង្កា​រទប់ស្កាត់​ការ​ឆ្លង​ជំងឺ​គ្រុន​ផ្តាសាយ​បក្សី​ H5N1នេះ​ មក​មនុស្ស។​គួរបញ្ជា​ក់ជូនថា វិធានការរប​ស់ក្រសួងពាក់ព័​ន្ធទាំងពីរនេះ ធ្វើឡើងបន្ទា​ប់ពីមាន​ការ​ផ្ទុះ​ជំងឺគ្រុន​ផ្តាសាយ​បក្សី ​H5N1​ នៅភាគខាង​ត្បូងនៃប្រទេស​វៀតណាម។ ចំពោះមុខការរី​ករាលដាលនៃ​ជំងឺនេះ ​អាជ្ញាធរ​វៀតណាមបាន​សម្លាប់សត្វ​មាន់​ប្រមាណ ៥​ម៉ឺន​៥​ពាន់​ក្បាល​ កាល​ពីថ្ងៃ​ទី​១៧ ​ខែ​កុម្ភៈ កន្លងទៅ​នេះ។​ បើតា​មក្រសួ​ងកសិកម្មកម្ពុ​ជាជំងឺគ្រុន​ផ្តាសាយ​បក្សី ​H5N1​នេះ មិនទាន់ត្រូវបា​នរកឃើញកើតមានឡើ​ងនៅក្នុងប្រទេសកម្ពុ​ជានោះទេនៅ​ពេលនេះ៕ដោយ៖សហការី

ស៊ើបអង្កេត

បន្ទាប់ពីស្ងប់ស្ងាត់មួយរយៈការកាប់និងដឹកជញ្ជូន​ឈើ​ចេញពីតំបន់អូរ​ជុញ​កំពុងក​ក្រើក​ឡើងវិញ

ព្រះវិហារ៖ចាប់ផ្តើមកក្រើកទៀតហើយបំផុសប្រជាពលរដ្ឋឲ្យចូលកាប់ឈើក្នុងតំបន់អូរជុញព្រៃព្រះរកាហើយខ្លួននិងបក្ខពួកឈ្មោះអៀងជាអ្នកប្រមូលទិញដឹកជញ្ជូនចេញទៅបណ្តាខេត្តផ្សេងៗតាមអំពើចិត្តដោយរលូន។បើតាមប្រភពច្បាស់ការណ៏បានឲ្យ​ដឹងថារយៈពេលប៉ុន្មានយប់មកនេះមាន​សកម្មភាពដឹកជញ្ជូនឈើប្រភេទលេខ២ បានកម្រើកឡើងសារជាថ្មីនៅចំណុចអូរជុញស្ថិត​ក្នុងស្រុកជាំក្សាន្ត ខេត្តព្រះវិហារខណៈដែល​សមត្ថកិច្ចជំនាញរួមទាំងអាជ្ញាធរនៅខេត្តព្រះវិហារបានសម្ងំសៀម។បើតាម​សេចក្តីរាយការណ៍ថា ឈើទាំងនោះ​ត្រូវ​បាន​មេឈ្មួញដុះស្លែឈ្មោះ កែវ សុភ័ណ្ឌ និងគូរគនឈ្មោះ អៀង ធ្វើការដឹកជញ្ជូនយ៉ាងអនាធិបតេយ្យធ្វើឲ្យ​ព្រៃព្រះរកាដែលគ្របដណ្តប់៤ស្រុកនៃខេត្តព្រះវិហាររងនូវការកាប់បំផ្លាញស្ទើរគ្មានសល់។ បើតាមប្រភពដដែលបានឲ្យដឹងថាមេឈ្មួញឈ្មោះកែវសុភណ្ឌ័ជាទាហានសក្កិ៣នៅកងពលធំអន្តរាគមន៏លេខ៣ព្រះវិហារអាចកេណ្ឌប្រជាពលរដ្ឋកាប់ និងដឹកជញ្ជូនឈើ គឺដោយសារមានខ្នងបង្អែកដ៏រឹងមាំ គឺលោកផ្កាយ២ឈ្មោះ ផុន សុម៉ាលីហៅចំរើន(រហ័សនាម៧៧)មេបញ្ជាការរងកងពលធំអន្តរាគមន៏លេខ៣ដែលមានមូលដ្ឋាននៅខេត្តព្រះវិហារជាអ្នកសម្របសម្រួលនិងកាងឲ្យ​មេឈ្មួញឈើឈ្មោះ កែវ សុភណ្ឌ័ និងឈ្មោះអៀង ជាអ្នកដឹកចែកចាយតាមបណ្តាខេត្ត និងរាជធានីយ៉ាងគគ្រឹកគគ្រេងតាមរថយន្តយីឌុបផ្លូវ១០និងតាមរថយន្តវេអង(V1)ក្នុងមួយយប់ៗមិនក្រោម១០រថយន្តនោះឡើយ។បើតាមប្រជាពលរដ្ឋ​បាន​និយាយថាសកម្មភាពដឹកជញ្ជូនឈើប្រភេទលេខ២ដោយ​ដឹកចេញពីចំណុចអូរជុញនៃស្រុកជាំក្សាន្តរយៈ​ពេលប៉ុន្មានថ្ងៃមមកនេះដោយមានការសង្ស័យថាទំនងជាមានភ្លើងខៀវលោកប្រាក់សុវណ្ណអភិបាលខេត្តព្រះវិហារនិងលោកពឹងទ្រីដាប្រធានមន្ទីរកសិកម្មរុក្ខាប្រម៉ាញ់និងនេសាទខេត្តព្រះវិហារនិងលោកនងសុខុមនាយខណ្ឌរដ្ឋបាលព្រៃឈើព្រះវិហារហើយទើបគ្មានការបង្ក្រាបមេឈ្មួញឈើដុះស្លែប្រចាំអាណាចក្រស្រុកជាំក្សាន្តឈ្មោះកែវសុភ័ណ្ឌនិងគូរគនឈ្មោះអៀងយ៉ាងនេះបាន?ដូច្នេះហើយទើបមេឈ្មួញឈ្មោះ កែវ សុភ័ណ្ឌ ដែលជាមន្ត្រីយោធានៅកងពលធំអន្តរាគមន៍លេខ៨ ខេត្តព្រះវិហារ និងបក្ខពួកឈ្មោះអៀង ហ៊ានបន្តសកម្មភាពបំផ្លាញព្រៃឈើនៅចំណុចអូរជុញព្រៃព្រះរកាយ៉ាងមហន្តរាយ។ ពាក់ពន្ធ័និងការលើកឡើងខាងលើនៅព្រឹកថ្ងៃទី២៨កុម្ភៈនេះសារពត៌មានយើងមិនអាចសុំការបំភ្លឺបានឡើយពីលោកប្រាក់សុវណ្ណអភិបាលខេត្តព្រះវិហារដោយទូរស័ព្ទចូលគ្មានអ្នកលើក។ដោយឡែកលោកនង សុខុម នាយខណ្ឌរដ្ឌបាលព្រៃឈើព្រះវិហារក៏​មិនអាចទំនាក់ទំនងបា​នដែរដោយទូរស័ព្ទស្ថិតនៅក្រៅតំបន់សេវា។​សូមជម្រាបជូនដែរថាលោក សៅ សុខា មេបញ្ជាការ​កងរាជអាវុធហត្ថ​លើ​ផ្ទៃ​ប្រទេសនិង​ជា​ប្រធាន​គណៈកម្មាធិការ​ជាតិ ដើម្បី​ទប់ស្កាត់ និង​បង្ក្រាប​បទល្មើស​ធនធានធម្មជាតិ​ដាស់តឿន​អ្នក​លួច​រកស៊ី​កាប់​ឈើ​ថាមិន​ថា អ្នកធំ ឬ​អ្នកតូច អ្នកមានឬ​អ្នកក្រ​នោះ​ទេ គឺ​មាន​ភាព​ស្មើគ្នា​ចំពោះ​មុខ​ច្បាប់ ។លោក​មេបញ្ជាការ​បាន​ព្រមាន​ថាឲ្យ​តែ​រក​ឃើញ​ថា ប្រព្រឹត្ត​បទល្មើស​ព្រៃឈើ​នឹង​ត្រូវ​បង្ក្រាប​ទាំង​មនុស្សនិង​មធ្យោបាយ ។ លោកនាយ​ឧត្តមសេនីយ៍ សៅ សុខា បាន​បាន​សរសេរ​លើ​បណ្តាញ​សង្គម​ហ្វេ​ស​ប៊ុ​ក នៅ​ថ្ងៃ​ទី​១៥ កក្កដា​បាន​ស្នើ​ដល់​ក្រសួង​ស្ថាប័ន​ដែល​មាន​សមត្ថកិច្ច​សុំ​ពង្រឹង​ការ​សម្រេចចិត្ត​ចេញ​លិខិត​អនុញ្ញាតិ​ច្បាប់ និង​ត្រួតពិនិត្យ​កិច្ចការ​ដែល​ជា​តួនាទី ភារកិច្ចចង​ដោយ​ច្បាប់​អោយ​បាន​រឹង​តឹង ។តាម​ការ​ពិនិត្យ ដី​សម្បទាន​មួយ​ចំនួន​មិន​អាច​ដាំ​ដំណាំ​កសិឧស្សាហកម្ម​ដូច​ជា កៅស៊ូ​បាន​ទេ ព្រោះ​ខាងក្រោម​សម្បូរ​ដោយ​ថ្ម ។ គ្មាន​ប្រភព​ទឹក​ខែប្រាំង​ទៀង​ផង […]

ព័ត៌មានជាតិ

សម្ដេចតេ​ជោហ៊ុនសែនអញ្ជើញជួបពិភាក្សាការងារជាមួយអគ្គមេ​បញ្ជាការកង​ស្វ័យការពារទ័ពជើ​ងគោកនៃប្រទេ​សជប៉ុន

នៅវិមានសន្តិភាព នារសៀលថ្ងៃព្រហស្បតិ៍ ៥កើតខែផល្គុន ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៧ ខែកុម្ភៈ ឆ្នាំ២០២០នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយ ឯកឧត្តម នាយឧត្តមសេនីយ៍ GORO YUASA មេបញ្ជាការកងស្វ័យការពារទ័ពជើងគោកនៃប្រទេសជជប៉ុន ។ក្នុងជំនួបនោះ ឯកឧត្តម GORO YUASA បានជំរាបជូនសម្តេចតេជោថាឯកឧត្តមបានដឹកនាំគណៈប្រតិភូកងទ័ពជើងគោកនៃប្រទេសជប៉ុនមកទស្សនៈកិច្ចក្នុងប្រទេសកម្ពុជាតបតាមការអញ្ជើញរបស់ឯកឧត្តម ហ៊ុន ម៉ាណែត ។ ឯកឧត្តម បានជំរាបជូនសម្តេចតេជោថា មុននឹងជួបពិភាក្សាជាមួយសម្តេចតេជោនារសៀលនេះ ឯកឧត្តមក៏បានអញ្ជើញទៅទស្សនកិច្ចនៅវិមានឈ្នះឈ្នះផងដែរ ហើយឯកឧត្តមបានអបអរសាទរសមិទ្ធផល ជាពិសេសស្នាដៃរបស់សម្ដេចតេជោ ហ៊ុន សែន ក្នុងការដឹកនាំប្រទេសកម្ពុជាកន្លងទៅនេះ។ ឯកឧត្តមក៏បានថ្លែងអំណរគុណដល់ឯកឧត្តម ហ៊ុន ម៉ាណែត ដែលបានអញ្ជើញឯកឧត្តម និងគណៈប្រតិភូមកទស្សនកិច្ចនាពេលនេះហើយដំណើរទស្សនកិច្ចលើកនេះគឺជាការចូលរួមចំណែកក្នុងការបន្តពង្រីកពង្រឹងកិច្ចសហប្រតិបត្តិការ ទំនាក់ទំនងល្អទ្វេភាគីរវាងប្រទេសកម្ពុជា និងប្រទេសជប៉ុនបន្ថែមទៀត ជាពិសេសវិស័យការពារជាតិនៃប្រទេសទាំងពីរផងដែរ។សម្តេចតេជោ ហ៊ុន សែន បានមានប្រសាសន៍ថាកន្លងនេះ សម្ដេចតែងតែជំរុញ និងពង្រឹកកិច្ចសហប្រតិបត្តិការទ្វេភាគី រវាងប្រទេសកម្ពុជា និងជប៉ុន។ តាមរយៈនេះ សម្ដេចតេជោបានធ្វើការងារជាច្រើនជាមួយនឹងឯកឧត្តមនាយករដ្ឋមន្ត្រីជប៉ុន ហើយសម្ដេចតេជោបានចាត់ទុកថាជាទំនាក់ទំនងដែលមានយូរណាស់មកហើយ។ សម្តេចតេជោបានបន្តទៀតថា […]

ព័ត៌មានជាតិ

សម្តេច​ហ៊ុនសែនថានៅពេលខាងមុខនឹងមានការកាត់ទឹកដីតំបន់អ​រិយក្សត្រល្វាឯម​មកធ្វើជាខណ្ឌមួយ​របស់រាជធា​នីភ្នំពេញ

សម្តេចហ៊ុន សែន នាយករដ្ឋមន្ត្រីនៃកម្ពុជាបាន​លើកឡើងថា​នៅពេលខាងមុខនេះ​នឹងមានការកាត់ទឹកដីខេត្តកណ្តាល​​មួយចំនួនទៀត​នៅ​ត្រង់​តំបន់អរិយត្សក្រនិងល្វាឯមដើម្បីយកមកធ្វើជាខណ្ឌមួយរបស់រាជធានីភ្នំពេញ។ សម្ដេចហ៊ុន សែន បានថ្លែងថាកន្លែងទាំង​នេះជាទឹកដីរបស់ខេត្តកណ្តាលទេ។ក៏ប៉ុន្តែដោយសាររាជធានី​ភ្នំពេញមានការរីកចម្រើន។ដូច្នេះ​បានជាកាត់បញ្ចូលទៅក្នុងរាជធានៅភ្នំពេញហើយបន្តិចទៀតមានការកាត់បន្ថែមទៀត។សម្តេចបានបញ្ជាក់ថានៅពេលធ្វើស្ពានឆ្លងទៅកាន់អរិយក្សត្ររួចហើយ​ក៏នឹងមាន​ការកាត់ទឹកដីខាងល្វាឯម អរិយក្សត្រមកធ្វើជាខណ្ឌមួយរបស់រាជធានីភ្នំពេញផងដែរ។ សម្តេចយបានលើកឡើងថាការកាត់ដីតំបន់ទាំងនេះមកឱ្យរាជធានីភ្នំពេញនឹងធ្វើឱ្យដី​នៅតំបន់នោះឡើងថ្លៃ។ សម្ដេចបានបញ្ជាក់ទៀតថាកន្លែងនេះ ត្រូវបាន​ធ្វើស្ពានចំនួន២ថែមទៀត ដែលស្ពានមួយបានសុំពីរដ្ឋាភិបាលកូរ៉េ ធ្វើពីជ្រោយចង្វារ ទៅកាន់​អរិយត្សក្រ និងស្ពានមួយទៀតធ្វើផ្លូវជាតិលេខ១ ឆ្លងកាត់ត្រង់ក្តីតាកុយទៅកាន់ខាងល្វាឯម ដើម្បីធ្វើការតភ្ជាប់ទំនាក់ទំនងគ្នា ដែលសម័យនេះ ជាសម័យក្នុងការជំរុញខិតខំធ្វើបន្តទៀត។ការរបស់សម្តេចហ៊ុនសែនថ្លែងក្នុងពិធីស្រោចស្រពព្រះសុគន្ធវារីប្រគេនសម្តេចព្រះសង្ឃនាយករង ៣ព្រះអង្គ ដែលព្រះមហាក្សត្រទើបត្រាស់បង្គាប់តែងតាំងថ្មីៗនេះ ស្ថិតនៅវត្តមុនីសុវណ្ណ ហៅវត្តចំពុះ ក្អែក នាព្រឹកថ្ងៃទី២៨ ខែកុម្ភៈ ឆ្នាំ២០២០៕ដោយ៖សហការី