ព័ត៌មានជាតិ

យោងតាមការណែនាំរបស់ក្រសួងសុខាភិបាលដើម្បីប្រយុទ្ធប្រឆាំងនិងទប់ស្កាត់ការរីកសាយភាយជំងឺកូវីដ-១៩ក្នុងពេលជំងឺនេះកំពុងឆ្លងចូលសហគមន៍ជាលើកដំបូងគឺខាងក្រសួងសុខាភិបាលបានអំពាវនាវដល់ប្រជាពលរដ្ឋខ្មែរទូទៅឱ្យរួមសាមគ្គីគ្នាអនុវត្តន៍តាមវិធានណែនាំទាំងឡាយរបស់ក្រសួងសុខាភិបាល។ដើម្បីទប់ស្កាត់ការចម្លងនិងឆ្លងជំងឺកូវីដ-១៩ប្រជាពលរដ្ឋត្រូវអនុវត្តន៍តាមវិធានការសំខាន់មួយចំនួនដូចជា៖ ទី១-លាងដៃឱ្យបានញឹកញាប់ជាមួយសាប៊ូនិងទឹកស្អាត ឬអាកុល ជែលនិងចៀសវាងប៉ះពាល់ភ្នែក ច្រមុះឬមាត់ ទី២-នៅពេលក្អក ឬកណ្តាស់ ត្រូវខ្ទប់មាត់ និងច្រមុះ ដោយប្រើកែងដៃ ឬក្រដាស រួចបោះចោលក្នុងធុងសំរាមបិទជិតភ្លាម និងលាងដៃរបស់អ្នក ទី៣- ប្រសិនអ្នកពាក់ម៉ាស់ត្រូវប្រាកដថា ពាក់គ្រប់លើមាត់ និងច្រមុះ ប៉ុន្តែចៀសវាងការប៉ះម៉ាស់ផ្ទៃខាងក្នុងនៅពេលកំពុងពាក់ និងពេលដោះ ទី៤-ត្រូវបោះចោលក្នុងធុងសំរាមបិទជិតភ្លាមនូវម៉ាស់ដែលបានប្រើរួច និងលាងដៃឱ្យស្អាតបន្ទាប់ពីដោះម៉ាស់។ក្រសួងសុខាភិបាលក៏បានអំពាវនាវដល់អ្នកពាក់ព័ន្ធផ្ទាល់ និងប្រយោលក្នុងព្រឹត្តិការណ៍នេះនាំគ្នាទៅយកសំណាកពិនិត្យរកមេរោគ។ ក្នុងនោះប្រជាពលរដ្ឋធម្មតាទៅកាន់ផ្សារទំនើបអ៊ីអនមួយហើយមន្ត្រីរាជការទៅកាន់ក្រសួងមហាផ្ទៃ។ការអំពាវនាវរបស់ក្រសួងសុខាភិបាលបានធ្វើឡើងបន្ទាប់ពីជំងឺកូវីដ១៩ បានផ្ទុះនៅក្នុងសហគមន៍ដោយបានឆ្លងក្នុងក្រុមគ្រួសារអគ្គនាយកពន្ធធនាគារ ហើយត្រូវបានរកឃើញនៅថ្ងៃទី២៨ខែវិច្ឆិកាឆ្នាំ២០២០៕  

រហូតដល់ម៉ោង០៨:៣០​ព្រឹក​ថ្ងៃទី២៩វិច្ឆិកា​២០២០​យើងរកឃើញករណីជំងឺកូវីដ-១៩​ថ្មី​៧នាក់​ (ករណីនាំចូលជនជាតិខ្មែរ១នាក់ធ្វើដំណើរមកពីសហរដ្ឋអាមេ​រិកនិងរកឃើ​ញជនជា​តិខ្មែរឆ្លងក្នុងស្រុកចំនួន​៦នាក់)​និង​មានជាសះស្បើយ​២នាក់​។ ដូច្នេះចំនួនករណីជំងឺកូវីដ-១៩សរុបកើន​៣១៥នាក់​​​​ ​ ជាសះស្បើយ​២នាក់​(ជនជាតិ​ខ្មែរទាំង២នាក់​)​ចំនួនសំរាកពេទ្យ​នៅកើន១៤នាក់​​ និងចំនួនជាសះស្បើយសរុបកើនចំនួន៣០១នាក់និងស្លាប់គ្មាន​។ជំងឺកូវីដ-១៩​នៅតែ​បន្តគម្រាមកំហែ​ងយើងជាប់ជានិច្ច​សូមបងប្អូនបន្តប្រយ័ត្នជាប់ជានិច្ចដោយអនុវត្តអនាម័​នៅឃ្លាតឆ្ងាយពីគ្នា​មិនចេញក្រៅផ្ទះបើមិនចាំបាច់ព្រោះប្រទេសជិតខាង​យើងនិងពិភពលោកកំពុងបន្តរាតត្បាតជំងឺកូវីដ១៩​ ដ៏ខ្លាំងក្លានៅឡើយ​ ។ យើងត្រូវបន្តគម្លាតបុគ្គលបន្តទៀត​ដូចជា​អង្គុយគម្លាតពីគ្នា​ឈររង់ចាំគម្លាតពីគ្នា​ ឈរជជែកគ្នាគម្លាតពីគ្នា​។ល។យើងត្រូវបន្តពាក់ម៉ាស់នៅពេលចាំបាច់​និងឧស្សាហ៍លាងដៃជាមួយសាប៊ូអាល់កុលឬជែល​។សូមបញ្ជាក់ថា​ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​ ។ ព័ត៌មានបន្ថែមសូមទាក់ទងលេខ១១៥

តាម​រយៈសេចក្ដី​សម្រេច​ចុះ​ថ្ងៃ​ទី​១៣​វិច្ឆិការបស់​ក្រសួង​ទំនាក់​ទំនង​រដ្ឋសភានិង​ព្រឹទ្ធសភា។ក្រុម​ការងារ​នេះ​មានភារ​កិច្ច​តាម​ដាននិង​សម្រង់​សម្ដី​សំខាន់ៗរបស់​សម្តេចនាយក​រដ្ឋមន្ត្រីហ៊ុនសែនសម្រាប់​ធ្វើ​ជា​បញ្ជី​ដាក់ឲ្យ​ស្ថានប័ន​ថ្នាក់​ជាតិថ្នាក់​ក្រោម​ជាតិគ្រឹះ​ស្ថាន​សាធារណៈ​និង​ឯកជនអនុវត្ត​ក្នុង​គោល​ដៅ​លឿន​រហ័សនិង​មាន​ប្រសិទ្ធិភាព។ក្រុម​ការងារ​សម្រង់​សម្ដី​សំខាន់ៗ​របស់​សម្តេចនាយក​រដ្ឋមន្ត្រី ហ៊ុន សែន ​មានសមាសភាព​១១រូប​។ផ្អែកតាម​ប្រការ៣​នៃសេក្ដី​សម្រេចនេះក្រុមការងារ​សម្រង់​សម្ដីនាយករដ្ឋមន្ត្រី​ត្រូវរាយការណ៍​ជូន​រដ្ឋមន្ត្រីប្រចាំថ្ងៃប្រចាំសប្ដា​ហ៍ប្រចាំខែ​ឬ​ករ​ណី​បន្ទាន់​អាចរាយការណ៍​តាមទូរស័ព្ទ​ឬ​ប្រព័ន្ធ​អេឡិចត្រូនិច​នានាដើម្បី​ក្រើនរំឭក​ឲ្យបង្កើន​កា​​រអ​នុវត្ត​ទៅតាមអនុសាសន៍និងសេចក្ដីសម្រេចនានា​​ដែ​ល​ដា​​ក់ចេញដោ​យសម្តេចតេជោ​​ហ៊ុនសែនក្នុងគោល​ដៅ​លឿនរហ័ស​និង​មាន​ប្រសិទ្ធិភាព៕

សម្ដេចហ៊ុនសែននាយករដ្ឋមន្ត្រីនៃកម្ពុជាបានសម្ដែងនូវការអបអរសាទរខួប២ឆ្នាំនៃការបញ្ចូលល្ខោនខោលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ(២៨ វិច្ឆិកា ២០១៨ – ២៨ វិច្ឆិកា ២០២០)។សម្ដេចហ៊ុនសែននៅលើផេកផ្លូវការនាថ្ងៃទី២៨ ខែវិច្ឆិកា ឆ្នាំ២០២០បានសរសេរថា អបអរសាទរខួប២ឆ្នាំនៃការបញ្ចូលល្ខោនខោលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ។សម្តេចបានបន្តថានៅថ្ងៃទី២៨ខែវិច្ឆិកាឆ្នាំ២០២០នេះគឺជាខួប២ឆ្នាំដែលល្ខោនខោលត្រូវបានដាក់បញ្ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ (២៨ វិច្ឆិកា ២០១៨ – ២៨វិច្ឆិកា២០២០)។សម្ដេចបន្តទៀតថា«ល្ខោនខោល»ដែលជាស្នាដៃសិល្បៈបុរាណដ៏វិសេសវិសាលអស្ចារ្យរបស់កម្ពុជាត្រូវបានអង្គការយូណេស្កូ សម្រេចដាក់ចូលក្នុងបញ្ជី បេតិកភណ្ឌពិភព អរូបីនៃមនុស្សជាតិក្នុងឱកាសកិច្ចប្រជុំលើកទី១៣ ក្នុងទីក្រុងព័រល្វីស នៃសាធារណរដ្ឋម៉ូរីសនៅថ្ងៃទី២៨ ខែវិច្ឆិកាឆ្នាំ២០១៨។សម្ដេចបញ្ជាក់ថាការដាក់បញ្ចូល«ល្ខោនខោល»ទៅក្នុងបញ្ជីអរូបីនៃមនុស្សជាតិនាពេលនេះគឺជាការរួមចំណែកធ្វើឱ្យកេរ្តិ៍ឈ្មោះរបស់ព្រះរាជាណាចក្រកម្ពុជាកាន់តែល្បីសុះសាយទូទាំងពិភពលោក ហើយធ្វើឱ្យកម្ពុជាក្លាយជាតួអង្គកាន់តែលេចធ្លោថែមទៀតនៅលើវេទិកាបេតិកភណ្ឌពិភពលោក។ កិច្ចការពារបេតិកភណ្ឌវប្បធម៌ជាភារកិច្ចរបស់កូនខ្មែរគ្រប់ៗរូប៕សហការី  

ព្រឹត្តិការណ៍៣វិច្ឆិកាដែលបង្កឡើងដោយកូវីដ១៩បានពន្យារពេលការបើកការដ្ឋានសាងសង់ផ្លូវ៣៨ខ្សែនៅក្រុងសៀមរាប។ពេលនេះខ្ញុំកំពុងធ្វើដំណើរទៅកាន់ខេត្តសៀមរាបដើម្បីបើកការដ្ឋានសាងសង់នៅថ្ងៃ៣០វិច្ឆិកា២០២០ខានស្អែកនេះ។ប្រមាណជាងមួយឆ្នាំទៀតក្រុងសៀមរាបនឹងមានផ្លូវល្អដែលខ្ញុំផ្តោតសំខាន់លើចំណុច៤គឺ គុណភាព សុវត្ថិភាព ប្រសិទ្ធភាព និងសោភណ័ភាពសម្រាប់ទីក្រុងទេសចរណ៍មួយនេះ។ ជូនពរបងប្អូនជនរួមជាតិជួបតែសេចក្តីសុខសេចក្តីចំរើន៕

រហូតដល់ម៉ោង​០៧:៣០​ព្រឹក​ថ្ងៃទី២៨វិច្ឆិកា​២០២០​យើងរកឃើញករណីជំងឺកូវីដ-១៩​ ថ្មី​១នាក់​(ជនជាតិ​ខ្មែរធ្វើដំណើរមកពីសហរដ្ឋអាមេរិក)​និងមានជាសះស្បើយ១នាក់។ដូច្នេះចំនួនករណីជំងឺកូវីដ-១៩សរុបកើន៣០៨នាក់​​​​ជាសះស្បើយ​១នាក់​ (ជនជាតិ​ខ្មែរ​)​ចំនួនសំរាកពេទ្យ​នៅសល់៩នាក់​និងចំនួនជាសះស្បើយសរុបកើនចំនួន២៩៩នាក់និងស្លាប់គ្មាន​។ជំងឺកូវីដ-១៩​នៅតែបន្តគម្រាមកំហែងយើងជាប់ជានិច្ច​សូមបងប្អូនបន្តប្រយ័ត្ន!ជាប់ជានិច្ចដោយអនុវត្តអនាម័យ​នៅឃ្លាតឆ្ងាយពីគ្នា​ មិនចេញក្រៅផ្ទះបើមិនចាំបាច់​ព្រោះប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩​ ដ៏ខ្លាំងក្លានៅឡើយ​។យើងត្រូវបន្តគម្លាតបុគ្គលបន្តទៀត​ ដូចជា​អង្គុយគម្លាតពីគ្នា​ ឈររង់ចាំគម្លាតពីគ្នា​ ឈរជជែកគ្នាគម្លាតពីគ្នា​។ល។យើងត្រូវបន្តពាក់ម៉ាសនៅពេលចាំបាច់​និងឧស្សាហ៍លាងដៃជាមួយសាប៊ូ​ អាល់កុល​ឬជែល​ ។សូមបញ្ជាក់ថា​ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី​ ២៧​ មករា​ ២០២០​ ។ព័ត៌មានបន្ថែមសូមទាក់ទងលេខ១១៥

នៅព្រឹកថ្ងៃសុក្រ ១៣កើត ខែមិគសិរ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៧ ខែវិច្ឆិកា ឆ្នាំ២០២០នេះ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតីក្នុងកិច្ចប្រជុំស្ដីពីការពង្រឹងការអនុវត្តតួនាទីនិងភារកិច្ចរបស់រដ្ឋបាលខេត្តមណ្ឌលគិរី ប្រារព្ធនៅសាលាខេត្តមណ្ឌលគិរី។ ក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្រ្តី កិច្ចប្រជុំនេះមានការអញ្ជើញចូលរួមពីឯកឧត្តមរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ, ឯកឧត្តមរដ្ឋមន្រ្តីក្រសួងបរិស្ថាន, ឯកឧត្តមរដ្ឋលេខាធិការ អនុរដ្ឋលេខាធិការ អគ្គនាយក, អភិបាលខេត្តនានា ព្រមទាំងថ្នាក់ដឹកនាំ មន្រ្តីរាជការ អាជ្ញាធរគ្រប់លំដាប់ថ្នាក់ក្នុងខេត្តមណ្ឌលគិរី។ ឯកឧត្តម ស្វាយ សំអ៊ាង អភិបាលនៃគណៈអភិបាលខេត្តមណ្ឌលគិរី បានធ្វើរបាយការណ៍ជូនសម្ដេចក្រឡាហោម គណៈអធិបតីព្រមទាំងអង្គពិធីអំពីស្ថានភាពភូមិសាស្រ្ត ប្រជាសាស្រ្ត សភាពការណ៍សន្តិសុខសណ្ដាប់ធ្នាប់ សភាពការណ៍សន្តិសុខតាមបណ្ដោយព្រំដែន ការងារគ្រប់គ្រងដីធ្លី ធនធានធម្មជាតិ និងសកម្មភាពនានាដែលខេត្តសម្រេចបាននាពេលកន្លងមក។ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃបានមានប្រសាសន៍ថា កិច្ចបប្រជុំស្ដីពីការពង្រឹងការអនុវត្តតួនាទី និងភារកិច្ចរបស់រដ្ឋបាលខេត្តមណ្ឌលគិរីនាថ្ងៃនេះ រៀបចំឡើងដោយមានការអនុញ្ញាតដ៏ខ្ពង់ខ្ពស់ពីសម្ដេចតេជោនាយករដ្ឋមន្រ្តី ដោយមានការចូលរួមពីថ្នាក់ដឹកនាំក្រសួង៤ផ្សេងទៀតរួមមានក្រសួងរៀបចំដែនដី នគរូបនីយកម្ម និងសំណង់, ក្រសួងបរិស្ថាន, […]

នា​ព្រឹក​ថ្ងៃសុក្រ​នេះ​សម្តេចនាយករដ្ឋមន្ត្រី​ហ៊ុន​ ​សែន​នៅ​ក្នុង​ពិធី​បើក​ពិព័រណ៍​ ​អា​ស៊ាន​-​ចិន​ ​លើក​ទី​១​៧​ ​ក្រោម​មូលបទ​ ​«​រួមគ្នា​កសាង​ខ្សែក្រវាត់​ ​និង​ផ្លូវ​ ​និង​ពង្រឹង​កិច្ច​សហប្រតិបត្តិការ​សេដ្ឋកិច្ច​ឌី​ជី​ថល​»​ ​ដែល​ប្រារព្ធ​ធ្វើ​នៅ​តំបន់​ស្វយ័ត​ក្វា​ង​ស៊ី​ ​នៃ​ទីក្រុង​ណា​ន​នី​ង​ ​ប្រទេស​ចិន​បាន​ថ្លែង​តាម​ប្រព័ន្ធ​ ​Video Conference​ ​ថា​ការ​រីក​រាលដាល​នៃ​ជំងឺ​កូ​វី​ដ​១​៩​ ​បាន​បង្ក​ជា​វិបត្តិ​ធ្ងន់ធ្ងរ​ដែល​ពុំ​ធ្លាប់​មាន​ពីមុន​មក​ ​លើ​សេដ្ឋកិច្ច​និង​សង្គម​។​ សម្តេចហ៊ុន​ ​សែន​លើកឡើងថា​​វិបត្តិ​នេះ​បាន​បង្ហាញ​កាន់តែ​ច្បាស់​ ​នូវ​ភាព​ចាំបាច់​ក្នុង​ការ​ប្រកាន់ខ្ជាប់​នូវ​គោលការណ៍​ពហុភាគី​និយម​ ​និង​ការ​ពង្រឹង​កិច្ច​សហប្រតិបត្តិការ​អន្តរជាតិ​។​សម្តេចក៏បាន​ផ្តោត​ទៅលើ​ការ​អភិវឌ្ឍ​សេដ្ឋកិច្ច​ ​និង​សង្គម​ឌី​ជី​ថល​ ​ដើម្បី​សម្រប​ទៅ​នឹង​ការវិវត្តន៍​ជាប្រក្រតី​ភាព​ថី្ម ​ការ​ធ្វើ​ឌី​ជី​ថ​លលូ​ប​នី​យ​កម្ម​លើ​ផលិតកម្ម​ ​ឧស្សាហកម្ម​ ​សេវាកម្ម​ ​និង​រដ្ឋបាល​សាធារណៈ​ ​ព្រមគ្នា​ជាមួយនឹង​ការ​អនុវត្ត​វិធានការ​កែ​ទម្រង់​យ៉ាង​មុត​ស្រួច​ ​ដើម្បី​កែ​លម្អ​បរិយាកាស​ធុរកិច្ច​ ​និង​វិនិយោគ​ឲ្យបាន​កាន់តែ​ប្រសើរ​។​ សម្ដេច ហ៊ុន សែន បាន​បញ្ជាក់ថា រាជរដ្ឋាភិបាលកម្ពុជាបានដាក់ចេញនូវវិធានការកែទម្រង់មុតស្រួចជាបន្តបន្ទាប់ ដើម្បីកែលម្អបរិយាកាសធុរកិច្ចនិងវិនិយោគ រួមមាន (១).ការដាក់ឱ្យអនុវត្តន៍នូវថ្នាលចុះ បញ្ជីពាណិជ្ជកម្មតាមប្រព័ន្ធអេឡិចត្រូនិកដោយចំណាយពេលតែ ០៨ ថ្ងៃប៉ុណ្ណោះ ក្នុងការ បើកក្រុមហ៊ុនអាជីវកម្ម។ (២). បានចុះកិច្ចព្រមព្រៀងពាណិជ្ជកម្មសេរីកម្ពុជា-ចិន ដែលនឹង​ចូល​ជាធរមានចាប់ថ្ងៃទី ០១ ខែ មករា ឆ្នាំ ២០២១ និង (៣).ការរៀបចំផែនការមេដើម្បី​អភិវឌ្ឍន៍ខេត្តព្រះសីហនុឱ្យទៅជាតំបន់សេដ្ឋកិច្ចពិសេសគំរូពហុបំណងជាដើម។ ជាងនេះ​ទៅទៀត កម្ពុជានឹងដាក់ចេញច្បាប់វិនិយោគថ្មី ដែលមានលក្ខណៈគ្រប់ជ្រុងជ្រោយ […]

ត្បូងឃ្មុំ៖ល្បីទៀតហើយម្ចាស់កាស៊ីណូ២បើកសង្វៀនជល់មាន់មានបាញ់អាប៉ោងជាដើមនោះកំពុងតែបើកឲ្យលេងភ្នាល់ឡើងកក្រើកប្រជាពលរដ្ឋក្នុងខេត្តត្បូងឃ្មុំ។ខណ:មហាជនធ្វើការិះគន់និងលើកឡើងថាផ្ដើមចេញពីល្បែងស៊ីសងជាច្រើនប្រភេទដែលកំពុងរីករាលដាលយ៉ាងពេញបន្ទុកគឺនាំឲ្យកើតមានបទល្មើសផ្សេងៗជាច្រើនទៀត ដូចជាអំពើចោរកម្ម អំពើហិង្សាក្នុងគ្រួសារ និងបទល្មើសជួញដូរចែកចាយនិងប្រើប្រាស់គ្រឿងញៀនដោយខុសច្បាប់ដែលធ្វើឲ្យប៉ះពាល់យ៉ាងខ្លាំងដល់សន្តិសុខសង្គមនាពេលបច្ចុប្បន្ន។ប្រជាពលរដ្ឋបន្តរិះគន់ថាទីតាំងទី១៖សង្វៀនជល់មាន់ស្ថិតក្រោមវត្តមានការគ្រប់គ្រងឈ្មោះអូនកាស៊ីណូភូមិយើងនៅក្នុងចំការកៅស៊ូចុះពីផ្លូវជាតិលេខ៨Aប្រហែល១០០ម៉ែត្រគ្មានស្លាកគ្មានឈ្មោះគ្មានអាជ្ញាប័ណ្ណ​​កំពុងតែបើកលេងភ្នាល់មិន​រំខានដល់សមត្ថកិច្ចដែលគេអះអាងថាបានរត់ការបង់លុយឲ្យអស់គ្រប់សមត្ថកិច្ចក្នុងខេត្តត្បូងឃ្មុំ ទើបទីតាំងល្បែងស៊ីសងខាងលើនេះបើកឲ្យលេងភ្នាល់ល់ដាក់លុយយ៉ាងរលូនគេលេងភ្នាល់គ្នាក្នុង១គូៗចាប់ពី១០០០ដុល្លារទៅ២០០០ដុល្លារជាងនេះទៅទៀតនោះមានអ្នកខ្លះលេងចាញ់លក់់អស់ឡាននិងរបស់របរគ្រឿងអលង្ការជាច្រើនទៀត។ទី២៖នៅក្រោយសណ្ឋាគារកាស៊ីណូឃីងរូស្ទ័រដែលមានឈ្មោះស្រីពេជ្រទីតាំងនៅភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ ប្រភពពីប្រជាពលរដ្ឋបានអោយដឹងថាទីតាំងល្បែងស៊ីសងបៀរនិងអាប៉ោងសង្វៀនជល់មាន់ ទាំង២ខាងលើនេះគឺពពួកមេខ្លោងញៀនល្បែងបើកលេងបង្វែងដានជ្រកក្រោមផ្លាកកាស៊ីណូកំពុងបើកសង្វៀនបញ្ជល់មាន់អាប៉ោងនិងយូគីយ៉ាងគគ្រឹកគគ្រេងដោយពុំឃើញមានសមត្ថកិច្ចនិងអាជ្ញាធរចុះបង្ក្រាបឡើយ។ទីតាំងសង្វៀនជល់មាន់ដ៏ធំ២កន្លែងនេះបានធ្វើការបើកលេងឡើងដុះស្លែទៅហើយ។ដោយបានរត់ការបង់លុយអោយសមត្ថកិច្ចនិងអាជ្ញាធរពាក់ព័ន្ធតាំងពីថ្នាក់ក្រោមរហូតដល់ថ្នាក់ខេត្ដ។ការបង្រា្កបល្បែងស៊ីសងគឺជាចំណុចមួយដ៏ក្ដៅគគក់នៃគោលនយោបាយភូមិ-ឃុំមានសុវត្ថិភាពរបស់រាជរដ្ឋាភិបាលទាំង៩ចំណុចដែលមន្រ្តីអាជ្ញាធរនិងសមត្ថកិច្ចក្នុងតួនាទីជាមន្ត្រីនគរបាលយុត្តិធម៌ត្រូវយកចិត្តទុកដាក់អនុវត្តន៍ទប់ស្កាត់និងបង្ក្រាបប្រកបដោយប្រសិទ្ធភាពខ្ពស់។បច្ចុប្បន្ននេះនៅតាមបណ្ដាខេត្តនានាមួយចំនួនពិសេសល្បែងជល់មាន់ កំពុងរីករាលដាលកាន់តែខ្លាំងឡើងៗ នៅក្នុងខេត្តត្បូងឃ្មុំ។ប៉ុន្តែគេមិនឃើញមន្រ្តីអាជ្ញាធរនិង សមត្ថកិច្ចចាត់វិធានការបង្រ្កាបនោះឡើយ។ជាក់ស្ដែងកាស៊ីណូទាំង២នេះដែលបើកលេងឲ្យប្រជាពលរដ្ឋចូលលេងឡើងដុះស្លែទៅហើយសមត្ថកិច្ចមិនហានបង្ក្រាបខណៈគេរិះគន់ថាក្រោមការបើកដៃពីសំណាក់អាជ្ញាធរនិងសមត្ថកិច្ចដែលពាក់ព័ន្ធជាពិសេសគឺភាពមិនអើពើរបស់លោកឧត្តមសេនីយ៍ស្នងការនគរបាលខេត្តត្បូងឃ្មុំនេះតែម្ដង។ប្រការនេះ នាំឲ្យប្រជាពលរដ្ឋសម្ដែងការភ័យខ្លាច ដោយកើតមាន បទល្មើសផ្សេងៗ គួរឲ្យព្រួយបារម្ភ ព្រោះមានពលរដ្ឋខ្លះ ចាញ់ល្បែងលក់អស់ទ្រព្យសម្បត្តិដីធ្លី និងជំពាក់បំណុលគេ ជុំទិសទៀតផង បញ្ហាអសន្តិសុខសង្គម ដែលកើតចេញពីល្បែងស៊ីសង ជាច្រើនប្រភេទ ទើបប្រជាពលរដ្ឋគោរពអំពាវនាវដោយស្នើសុំឲ្យអភិបាលខេត្តត្បូងឃ្មុំទប់ស្កាត់និងចាត់វិធានការបង្ក្រាបល្បែងស៊ីសងទាំងនេះប្រកបដោយប្រសិទ្ធភាព។ប៉ុន្តែយ៉ាងណាក៏ដោយនៅព្រឹកនេះសារព័ត៌មានយើងបានទាក់ទងទៅអ្នកពាក់ព័ន្ធដែរតែមិនលើកទូរស័ព្ទចាប់ពីម៉ោងផ្សាយនេះ។សូមជម្រាបជូនថាសម្ដេចសខេងឧបនាយករដ្ឋមន្រ្ដីរដ្ឋមន្រ្ដីក្រសួងមហាផ្ទៃបានបញ្ជាឱ្យអាជ្ញាធរបង្កើនការការពារភូមិសរគ្មានគ្រឿងញៀននិងគ្មានបទល្មើសគ្រប់ប្រភេទដើម្បីធានាឱ្យភូមិឃុំមានសុវត្ថិភាពជូនប្រជាពលរដ្ឋកាន់តែមានភាពល្អប្រសើរ។មិនតែប៉ុណ្ណោះសម្តេចសខេងបានជំរុញឱ្យអាជ្ញាធរបង្កើនការសហការគ្នាដើម្បីពង្រឹងភូមិ-ឃុំមានសុវត្ថិភាព គ្មានសកម្មភាពលួចឆក់ប្លន់គ្រប់ប្រភេទ គ្មានការដាំដុះ ការផលិត ការចរាចរ ការជួញដូរ ការចែកចាយ និងការប្រើប្រាស់គ្រឿងញៀនខុសច្បាប់ គ្មានអំពើអានាចារ្យ ការជួញដូរស្ដ្រី និងកុមារ និងអំពើហិង្សាក្នុងគ្រួសារ គ្មានក្មេងទំនើង គ្មានការលេងល្បែងស៊ីសងខុសច្បាប់គ្រប់ប្រភេទ ការប្រើប្រាស់អាវុធខុសច្បាប់គ្រប់ប្រភេទ គ្មានគ្រោះថ្នាក់ចរាចរណ៍ គ្មានគ្រោះថ្នាក់ដោយសារយុទ្ធភ័ណ្ឌមិនទាន់ផ្ទុះ វិធានការទប់ស្កាត់ គ្រប់គ្រងនិងឆ្លើយតបចំពោះគ្រោះមហន្ដរាយប្រកបដោយប្រសិទ្ធភាពនិងការត្រួតពិនិត្យខុសច្បាប់។សម្ដេចបានបញ្ជាក់ថាការបញ្ជាឱ្យអាជ្ញាធរបង្កើនការការពារភូមិសរគ្មានគ្រឿងញៀននិងគ្មានបទល្មើសគ្រប់ប្រភេទនេះដើម្បីធានារក្សាសន្ដិសុខសុវត្ថិភាពភូមិឃុំសង្កាត់ជូនប្រជាពលរដ្ឋប្រកបដោយភាពកក់ក្ដៅនិងមិនមានការភ័យខ្លាចអំពីភាពអសន្ដិសុខនៅក្នុងមូលដ្ឋានរបស់ខ្លួន។ការថ្លែងរបស់សម្តេចសខេងក្នុងពិធីបិទសន្និបាតបូកសរុបការងារ ត្រួតពិនិត្យគ្រឿងញៀន ឆ្នាំ២០១៩ និងកិច្ចប្រជុំបូកសរុបលទ្ធផល នៃការអនុវត្តន៍ផែនការយុទ្ធនាការ ប្រយុទ្ធប្រឆាំងគ្រឿងញៀនខុសច្បាប់ លើកទី៤ កាលពីរសៀលថ្ងៃទី១៧ ខែមីនា នៅទីស្តីការក្រសួងមហាផ្ទៃ៕ជាគន្ធា

ក្រសួងព័ត៌មាននៅព្រឹកថ្ងៃទី២៧ខែវិច្ឆិកា ឆ្នាំ២០២០បានរៀបចំធ្វើសន្និសីទសារព័ត៌មាន ស្ដីពីការចុះបញ្ជីពាណិជ្ជកម្មនិងកិច្ចការពារម៉ាកនិងពាណិជ្ជមនាមសម្រាប់អាជ្ញាប័ណ្ណលើវិស័យព័ត៌មាននិងសោតទស្សន៍ក្រោមអធិបតីភាពលោកមាសសោភ័ណ្ឌអនុរដ្ឋលេខាធិការនិងជាអ្នកនាំពាក្យក្រសួងព័ត៌មាននិងតំណាងក្រសួងពាណិជ្ជកម្មដែលមានការចូលរួមពីបណ្ដាអង្គភាពសារព័ត៌មានគេហទំព័រអនឡាញប្រមាណជាង១០០អង្គភាព។លោក មាស សោភ័ណ្ឌ អនុរដ្ឋលេខាធិការនិងជាអ្នកនាំពាក្យក្រសួងព័ត៌មានបានមានប្រសាសន៍ថាសន្និសីទសារព័ត៌មាន នេះមានគោលដៅ៖ -ចុះបញ្ជីពាណិជ្ជកម្មការពារម៉ាកនិងពាណិជ្ជនាមលើវិស័យព័ត៌មាននិងសោតទស្សន៍ ដើម្បីធានាថាអត្តសញ្ញាណនៃអង្គភាពស្ថាប័នសារព័ត៌មាន និងសោតទស្សន៍នីមួយៗ មិនជាន់លើអត្តសញ្ញាណនៃអង្គភាពស្ថាប័ន ព័ត៌មាននិងសោតទស្សន៍ដទៃទៀត ដែលបានច្បាប់អនុញ្ញាតរួចហើយ។-ការពារផលប្រយោជន៍ស្របច្បាប់របស់អ្នកស្នើសុំចុះឈ្មោះក្នុងបញ្ជីពាណិជ្ជកម្មនិងបញ្ជីម៉ាកដើម្បីការពារការប្រកួតប្រជែងមិនស្មោះត្រង់។មិនអនុញ្ញាតឲ្យប្រើប្រាស់ម៉ាកនិងពាណិជ្ជនាមដែលបណ្តាលឱ្យប៉ះពាល់ដល់សណ្តាប់ធ្នាប់ជាសាធារណៈ សីលធម៌សង្គមឬប្រពៃណីល្អរបស់ជាតិនិងម៉ាកដែលមិនអាចចុះបញ្ជីបានដូចមានកំណត់ក្នុងច្បាប់ជាធរមាន។លោកបន្តថាប្រកាសនេះមានវិសាលភាពអនុវត្តចំពោះរូបវន្តបុគ្គលឬនីតិបុគ្គលទាំងឡាយដែលធ្វើអាជីវកម្មឬសេវាកម្មលើស័យព័ត៌មាននិងសោតទស្សន៍នៅក្នុងព្រះរាជាណាចក្រកម្ពុជា។វាក្យសព្ទដែលប្រើនៅក្នុងប្រកាសអន្តរក្រសួងនេះត្រូវបានកំណត់ន័យដូចខាងក្រោម៖ អាជ្ញាបណ្ណសំដៅដល់ប្រកាសលិខិតអនុញ្ញាតវិញ្ញាបនបត្រអនុញ្ញាតឱ្យប្រកបអាជីវកម្មលើវិស័យព័ត៌មាននិងសោតទស្សន៍។ប្រតិបត្តិករប្រព័ន្ធផ្សព្វផ្សាយសំដៅដល់រូបវន្តបុគ្គល ឬនីតិបុគ្គលដែលធ្វើអាជីវកម្ម ឬសេវាកម្មលើវិស័យ ព័ត៌មាន និងសោតទស្សន៍ ដើម្បីរកប្រាក់ចំណេញ។ចំណែកតំណាងក្រសួងពាណិជ្ជកម្មបានបញ្ជាក់ថាម៉ាក សំដៅដល់សញ្ញាដែលមើលឃើញហើយអាចសម្គាល់លក្ខណៈខុសគ្នានៃទំនិញ ឬសេវានៃសហគ្រាសនីមួយៗ។ ពាណិជ្ជនាមសំដៅដល់ឈ្មោះ ឬសញ្ញាសម្គាល់ ឬជាឈ្មោះ និងសញ្ញាសម្គាល់សម្រាប់បញ្ជាក់និងសម្គាល់លក្ខណៈខុសៗគ្នានៃសហគ្រាសនីមួយៗ។ នាមករណ៍ សំដៅដល់ឈ្មោះអង្គភាព ស្ថាប័ន ឬក្រុមហ៊ុន ដែលធ្វើពាណិជ្ជកិច្ច ឬអាជីវកម្ម លើវិស័យព័ត៌មាន និងសោតទស្សន៍។ បញ្ជីពាណិជ្ជកម្ម សំដៅដល់ការគ្រប់គ្រង និងកាន់កាប់នូវបញ្ជីមួយចុះអត្តលេខនៃពាណិជ្ជករនិងក្រុមហ៊ុនពាណិជ្ជកម្ម។លោកបន្តថាអត្តសញ្ញាណបណ្ណនៃសារព័ត៌មានសំដៅដល់ពាណិជ្ជនាមនិងម៉ាករបស់អង្គភាពស្ថាប័នសារព័ត៌មាន។ អាជីវកម្ម ឬសេវាកម្ម សំដៅដល់សកម្មភាពសេដ្ឋកិច្ចរបស់រូបវន្តបុគ្គល ឬនីតិបុគ្គល ដែលមានគោលដៅ ទាញយកប្រាក់ចំណូលអំពីការផលិត និងលក់ផលិតផល ឬការផ្គត់ផ្គង់សេវាឬសកម្មភាពផ្សេងៗទៀត។តំណាងក្រសួងព័ត៌មានបានលើកឡើងថាអាជ្ញាប័ណ្ណសុំពីក្រសួងព័ត៌មានមានរយៈពេល៦ខែ។ប៉ុន្តែរាល់រូបវន្តបុគ្គលឬនីតិបុគ្គលដែលបានធ្វើអាជីវកម្មឬសេវាកម្មលើវិស័យព័ត៌មាននិងសោតទស្សន៍ ត្រូវស្នើសុំចុះបញ្ជីពាណិជ្ជកម្ម និងអាចស្នើសុំបញ្ជីម៉ាកនិងពាណិជ្ជនាមនៅក្រសួងពាណិជ្ជកម្ម ក្នុងរយៈពេល ៦ខែ គិតចាប់ពីថ្ងៃចុះហត្ថលេខាតទៅ។បើមានការចាំបាច់ ក្រសូងពាណិជ្ជកម្ម អាចសម្រេចបន្តរយៈពេលនេះបានចំនួន៦ខែទៀត។រាល់ប្រកាសទាំងឡាយណាដែលមានខ្លឹមសារផ្ទុយនិងប្រកាសអន្តរក្រសួង ស្ដីពីការគ្រប់គ្រងការចុះបញ្ជីពាណិជ្ជកម្ម និងការពារម៉ាក និងពាណិជ្ជនាមសម្រាប់អាជ្ញាប័ណ្ណលើវិស័យព័ត៌មាននិងសន្ទស្សន៍នេះ […]