ព័ត៌មានក្នុងប្រទេស

ព័ត៌មានជាតិ

សម្តេចហ៊ុ​នសែនបានប្រកាសថាចិនផ្តល់វ៉ាក់សាំងប្រឆាំ​ងកូវីដ-១៩​ចំនួន១លា​នដូសដល់រា​ជរដ្ឋាភិបា​លកម្ពុជា

តាមរយៈសារសំឡេងជាពិសេសផ្ញើជូនប្រជាពលរដ្ឋនៅតាមបណ្តាញសង្គមនៅរាត្រីថ្ងៃទី១៥ខែមករាឆ្នាំ២០២១នេះប្រមុខរដ្ឋាភិបាលសម្តេចហ៊ុនសែនបានប្រកាសឱ្យដឹងថារដ្ឋាភិបាលចិនបានផ្តល់វ៉ាក់សាំងជំងឺកូវីដ-១៩ចំនួន១លានដូសដល់រាជរដ្ឋាភិបាលកម្ពុជាដើម្បីចាក់ជូនប្រជាពលរដ្ឋប្រមាណ៥០ម៉ឺននាក់។ក្នុងសារសំឡេងនេះសម្តេចហ៊ុនសែនបានបញ្ជាក់ថាដើមឡើយសម្តេចបានប្រកាសពីការទទួលវ៉ាក់សាំងដែលទទួលស្គាល់ដោយអង្គការសុខភាពពិភពលោក(WHO)។តែក្នុងបរិបទកម្ពុជាកំពុងទទួលរងការរីករាលដាលដូចពេលបច្ចុប្បន្នគឺមិនអាចរង់ចាំបានទៀតនោះទេអាស្រ័យហេតុនេះទើបកម្ពុជាសម្រេចប្រើវ៉ាក់សាំងជំងឺកូវីដ-១៩។មិនត្រឹមតែហេតុផលមួយនេះទេបើតាមសម្តេចហ៊ុន សែនបានបញ្ជាក់ថាវ៉ាក់សាំងប្រឆាំងជំងឺកូវីដ-១៩នេះ ត្រូវបានថ្នាក់ដឹកនាំរដ្ឋាភិបាលចិនប្រធានាធិបតីនិងប្រជាជនឥណ្ឌូនេស៊ីនិងមនុស្សរាប់លាននាក់លើពិភពលោកបានប្រើប្រាស់វ៉ាក់សាំងនេះរួចហើយ។សម្តេចហ៊ុនសែនបានបញ្ជាក់ថា«យើងមិនអាចរង់ចាំបន្តទៅទៀតបាននោះទេតម្រូវការការពារជាតិការពារប្រជាជនកុំឱ្យឆ្លងនូវរោគរាតត្បាតដ៏កាចសាហាវនេះគឺយើងត្រូវប្រើប្រាស់នូវវ៉ាក់សាំងដែលបានប្រើប្រាស់រួចមកហើយសម្រាប់មេដឹកនាំចិនដែលមានមនុស្សដល់រាប់លាននាក់បានប្រើប្រាស់និងមានប្រទេសមួយចំនួនផ្សេងទៀតរាប់ទាំងប្រទេសឥណ្ឌូនេស៊ីដែលប្រធានាធិបតីឥណ្ឌូនេស៊ី ទទួលវ៉ាក់សាំងលើកដំបូង គឺជាវ៉ាក់សាំងរបស់សាធារណរដ្ឋប្រជាមានិតចិន»។សម្តេចបានបន្ថែមថា «យើងមិនអាចបន្តរង់ចាំទៀតបានទេដោយសារភាពចាំបាច់នៃការការពារដល់សុខភាពរបស់ប្រជាពលរដ្ឋរបស់យើងដែលសព្វថ្ងៃនេះម្សិលមិញនេះមានការឆ្លងរហូតដល់១៥នាក់។ថ្ងៃនេះក៏មានការឆ្លងរហូតដល់១០នាក់បន្ថែមទៀតដែលសុទ្ធតែចេញមកពីប្រទេសថៃនៅជិតខាងយើង។ដូច្នេះយើងមានការចាំបាច់ដើម្បីប្រើប្រាស់នូវវ៉ាក់សាំងនេះសម្រាប់ការការពារ»។សម្តេចហ៊ុន សែន មកដល់ពេលនេះមិនថាតែវ៉ាក់សាំងចិនទេ វ៉ាក់សាំងប្រទេសដទៃទៀតក៏មិនទាន់ដឹងពីសុពលភាពឬប្រសិទ្ធភាពនៅឡើយទេ។ប៉ុន្តែសម្រាប់មេដឹកនាំចិន បានប្រើប្រាស់វ៉ាក់សាំងចិននេះតាំងពីខែតុលាឆ្នាំ២០២០មកម្ល៉េះ។សម្តេចបានបញ្ជាក់ថា«ខ្ញុំជឿជាក់ថាវ៉ាក់សាំងនេះនឹងអាចសម្រួលឱ្យយើងដោះស្រាយបានបញ្ហាមួយផ្នែក។បើទោះបីជាយើងមិនទាន់ដឹងប្រសិទ្ធភាពពិតប្រាកដក្តី។មិនមែនគ្រាន់តែវ៉ាក់សាំងរបស់ចិននោះទេ។ប៉ុន្តែវ៉ាក់សាំងនៅគ្រប់ប្រទេសទាំងអស់មិនទាន់ដឹងថា តើមានសុពលភាពរយៈពេលប៉ុន្មានខែ ឬប៉ុន្មានឆ្នាំ ឬមួយជីវិតនោះឡើយ។ ប៉ុន្តែយ៉ាងណាក៏ដោយខ្ញុំព្រះករុណាខ្ញុំបានដឹងថា មេដឹកនាំចិនបានចាក់តាំងពីខែតុលាឯណោះ»។ សម្តេចបន្ថែមថា «រហូតមកដល់ពេលនេះរដ្ឋមន្ត្រីការបរទេស វ៉ាង យីរបស់សាធារណរដ្ឋប្រជាមានិតចិន មានសុខភាពល្អណាស់ហើយដើរស្ទើរគ្រប់ទីកន្លែង។ឥឡូវកំពុងធ្វើទស្សនកិច្ចនៅក្នុងតំបន់អាស៊ីអាគ្នេយ៍របស់យើងនេះផងដែរបន្ទាប់ពីទស្សនកិច្ចនៅតំបន់អាហ្វ្រិក។ ដូច្នេះបទពិសោធន៍នៃរដ្ឋមន្ត្រីការបរទេសវ៉ាង យី ដែលជាមេដឹកនាំដ៏សំខាន់មួយរូបរបស់ចិនបានផ្តល់ឱ្យយើងមានជំនឿជឿជាក់ថាវាពុំមានហានិភ័យណាមួយទៅដល់អាយុជីវិតរបស់មនុស្សនោះទេសម្រាប់វ៉ាក់សាំងរបស់ចិន»។បើតាមសម្តេចហ៊ុនសែនវ៉ាក់សាំងប្រឆាំងជំងឺកូវីដ-១៩ របស់រដ្ឋាភិបាលចិនដែលកម្ពុជាយកមកប្រើប្រាស់នេះគឺជាវ៉ាក់សាំងស៊ីណូហ្វាម។ សម្តេចបានបញ្ជាក់ពីមូលហេតុដែលប្រើវ៉ាក់សាំងស៊ីណូហ្វាមនេះដោយសារវាអាចរក្សានៅក្នុងសីតុណ្ហភាព ២ទៅ៨អង្សាលើសូន្យងាយស្រួលក្នុងការរក្សាទុកបើធៀបជាមួយវ៉ាក់សាំងប្រទេសខ្លះតម្រូវឱ្យរក្សានៅក្នុងសីតុណ្ហភាព៧០អង្សាក្រោមសូន្យ។បន្ថែមពីលើនោះការប្រើប្រាស់វ៉ាក់សាំងរបស់ចិនងាយស្រួលក្នុងការដឹកជញ្ជូនផងដែរ។សម្តេចហ៊ុន សែន បានថ្លែងអំណរគុណដល់ប្រធានាធិបតីចិន លោក ស៊ី ជីនពីងលោកនាយករដ្ឋមន្ត្រីចិនលីខឺឈាងនិងរដ្ឋមន្ត្រីការពារជាតិចិនដែលបានផ្តល់ការឧបត្ថម្ភគាំទ្រដល់កងយោធពលខេមរភូមិន្ទ។ សម្តេចបានបញ្ជាក់ថាតាមរយៈការគាំទ្រដល់កងយោធពលខេមរភូមិន្ទនេះ គឺកម្ពុជានឹងប្រើទៅអង្គភាពជួរមុខទាំងអស់។សម្តេចបានបញ្ជាក់ដែរថាក្រៅពីការប្រើប្រាស់វ៉ាក់សាំងប្រឆាំងជំងឺកូវីដ-១៩ចំនួន១លានដូសជាជំនួយរបស់ចិននេះទៅកម្ពុជានឹងបន្តស្វះស្វែងរកវ៉ាក់សាំងចាក់ជូនប្រជាជនឱ្យបាន១០លាននាក់ឬរហូតដល់១៣លានបើមានតម្រូវការឱ្យចាក់វ៉ាក់សាំងដល់៨០ភាគរយនៃចំនួនប្រជាពលរដ្ឋនោះ។សម្រាប់សម្តេចហ៊ុន សែន ជនអាទិភាពដែលនឹងត្រូវទទួលបានវ៉ាក់សាំងនោះរួមមាន៖ អ្នកនៅជុំវិញព្រះមហាក្សត្រ, សម្តេចតេជោ, ប្រធានព្រឹទ្ធសភា, ប្រធានរដ្ឋសភា ព្រមទាំងគ្រូពេទ្យ គ្រូបង្រៀន កម្លាំងប្រដាប់អាវុធគ្រប់ប្រភេទ នគរបាលយុត្តិធម៌គ្រប់ផ្នែក បុគ្គលិកអនាម័យទាំងអស់ ដែលពាក់ព័ន្ធនឹងការផ្តល់សេវាអ្នករត់ម៉ូតូឌុបម៉ូតូកង់៣និងតាក់ស៊ីជាដើម។ការចាក់វ៉ាក់សាំងនឹងធ្វើឡើងដោយមិនគិតថ្លៃនិងឈរលើគោលការណ៍ស្ម័គ្រចិត្ត។បើទោះបីមានវ៉ាក់សាំងក្តីតែសម្តេចបានអំពាវនាវប្រជាពលរដ្ឋបន្តប្រកាន់វិធានរបស់ក្រសួងសុខាភិបាលក្នុងការការពារជំងឺកូវីដ-១៩។នេះបើតាមប្រសាសន៍សម្តេចហ៊ុនសែន៕សហការី

មិនឃើញមានសមត្ថកិច្ចជំនាញចុះបង្ក្រាបសង្វៀនជល់មាន់អាប៉ោងនិងយូគីរបស់លោកតន​កំពុងបើកឲ្យលេ​ងហូរកញ្ច្រៀវស្ទើរបែកអា​កាសទៅ​ហើយ!

ព្រឹ​ក​ថ្ងៃទី១៦មករា​២០២១​យើង​រកឃើញករណី​ជំងឺកូវីដ-​១៩​នាំចូលថ្មី​១០នាក់និ​ង​មានជាសះ​ស្បើយ​១នាក់​​

ព្រឹក​ថ្ងៃទី១៥ មករា​២០២​១​យើងរកឃើញ​ករណីជំងឺកូវីដ-១​៩​នាំចូលថ្មី​១​៥នាក់

រាជរដ្ឋាភិបាល​ស​ម្រេចនិរាករណ៍អនុក្រឹត្យ​លេ​ខ​២​០៩​អនក្រ.បកចុះ​ថ្ងៃទី៣០​ខែធ្នូឆ្នាំ២​០២​០​ស្តីពីការ​កែ​សម្រួលផ្ទៃបឹ​ងតា​មោក

សាលា​ដំបូ​ង​រាជធានី​ភ្នំពេញ​​បាន​បើក​សវនាការ​សួរ​ចម្លើយ​ទៅ​​លើ​មន្រ្តី​និង​សកម្មជ​ន​អតីត​គ​ណបក្ស​ស​ង្រ្គោះជាតិ

សម្តេចហ៊ុនសែន៖អបអរសាទ​រខួបទី៣៦ឆ្នាំ​នៃការកាន់តំណែង​ជានាយករដ្ឋមន្ត្រី

សារលិខិតរបស់ប្រមុខរាជរដ្ឋាភិបា​លកម្ពុជាផ្ញើជូនអ្នក​សារព័ត៌មានជាតិនិ​ងអន្តរជាតិ

បទល្មើសព្រៃឈើ​នៅខេត្តមណ្ឌលគិ​រីនៅតែ​មានចរាចរណ៏ជារៀងរាល់យប់

ព្រះ​ម​ហាក្សត្រ​​ចេ​ញ​ព្រះ​រាជ​ក្រឹត្យ​មួយ​ស្តី​ពី​ការ​បន្ធូរ​បន្ថយ​ទោស​និង​លើកលែ​​ង​ទោស​ដល់​ទណ្ឌិ​ត​នៅ​ក្នុង​ពិធី​បុណ្យ​ធំ​ៗ​ចំនួ​ន​៥

អន្តរជាតិ

លោកTrump​បានបញ្ជាឱ្យរដ្ឋាភិបាលអា​មេរិកកំណត់​ការទិញរបស់ចិន

ប្រធានាធិបតីDonaldTrumpបានដឹកនាំទីភ្នាក់ងាររដ្ឋាភិបាលពិចារណាជម្រើសដើម្បីកំណត់ការទិញទំនិញនិងសេវាកម្មចិនដើម្បីកាត់បន្ថយហានិភ័យនៃចារកម្ម។នៅក្នុងសេចក្ដីថ្លែងការណ៍ចុះថ្ងៃទី១៥ខែមករាទីប្រឹក្សាសន្តិសុខជាតិរបស់ប្រធានាធិបតីDonaldTrump។RobertO’Brienបានចោទប្រកាន់ប្រទេសចិនថាបានតម្រង់ប្រព័ន្ធព័ត៌មានរបស់រដ្ឋាភិបាលអាមេរិកដើម្បីចូលប្រើប្រាស់ឯកសារផ្ទាល់ខ្លួន។បុគ្គលិកផែនការយោធានិងទិន្នន័យផ្សេងទៀតតាមរយៈការវាយប្រហារតាមបណ្តាញនិងទម្រង់ផ្សេងៗទៀត។សម្រាប់ហេតុផលនេះសហរដ្ឋអាមេរិកត្រូវតែចាត់វិធានការដែលត្រូវគ្នាដើម្បីការពារផលប្រយោជន៍របស់ខ្លួន។យើងត្រូវតែកែសម្រួលវិធាននិងគោលនយោបាយរបស់យើងហើយចាត់វិធានការចាំបាច់ដើម្បីកាត់បន្ថយហានិភ័យពីការអនុវត្តទាំងនេះ។លោកRobertO’Brienបានមានប្រសាសន៍ថា“សកម្មភាពចារកម្មមនុស្សនិងបច្ចេកទេសរបស់ចិនប្រឆាំងនឹងរដ្ឋាភិបាលសហព័ន្ធសហរដ្ឋអាមេរិក”។ទីប្រឹក្សាសន្តិសុខជាតិអាមេរិកបាននិយាយថាប្រធានាធិបតីDonaldTrumpបានដឹកនាំទីភ្នាក់ងាររដ្ឋាភិបាលឱ្យធ្វើការពិនិត្យឡើងវិញដើម្បី“កាត់បន្ថយការទិញទំនិញនិងសេវាកម្មរបស់រដ្ឋាភិបាលសហព័ន្ធចិន”។លោកO’Brienមិនបានផ្តល់ឧទាហរណ៍ជាក់លាក់នៃសកម្មភាពទិញទំនិញដូចដែលលោកបានលើកឡើងនោះទេ។ទោះយ៉ាងណាមន្ត្រីរដ្ឋបាលជាន់ខ្ពស់អាមេរិកបាននិយាយថាគោលបំណងសំខាន់នៃការធ្វើបែបនេះគឺដើម្បីការពារការប៉ុនប៉ងរបស់ចិនក្នុងការជ្រៀតចូលបណ្តាញបច្ចេកវិទ្យាព័ត៌មានរបស់សហរដ្ឋអាមេរិក។អ្វីដែលត្រូវធ្វើជាមួយក្រុមហ៊ុនចិនដែលមានសមាសធាតុនៅក្នុងបណ្តាញរបស់យើងអាចក្លាយជាចំណុចខ្សោយហើយអាចត្រូវបានប្រើដើម្បីទ្រទ្រង់យុទ្ធសាស្ត្រយោធានិងស៊ីវិលរបស់ចិន។ឧទាហរណ៍ប្រសិនបើមានផ្នែករឹងរបស់ចិននៅក្នុងបណ្តាញរបស់យើងវាគឺជាអ្វីមួយដែលអាចបង្កឱ្យមានភាពងាយរងគ្រោះ។ទិសដៅរបស់ប្រធានាធិបតីTrumpធ្វើឡើងតែប៉ុន្មានថ្ងៃប៉ុណ្ណោះមុនពេលដែលលោកចាកចេញពីតំណែងនិងប្រគល់សេតវិមានទៅឱ្យប្រធានាធិបតីជាប់ឆ្នោតលោកJoe Biden ។ នេះក៏ជាការវាយប្រហារចុងក្រោយមួយរបស់រដ្ឋបាលTrumpទៅកាន់ប្រទេសចិនមុនពេលបញ្ចប់អាណត្តិរបស់លោក។រដ្ឋបាលរបស់ប្រធានាធិបតីDonaldTrumpបានស្វែងរកវិធីសាស្រ្តតឹងតែងមួយចំពោះប្រទេសចិនលើបញ្ហាជាច្រើនរាប់ចាប់ពីពាណិជ្ជកម្មបច្ចេកវិទ្យានិងចារកម្មរហូតដល់Covid-19 ដែលនាំទំនាក់ទំនងទ្វេភាគីដល់កម្រិតទាបដែលមិនធ្លាប់មានពីមុនមកជាច្រើនទសវត្ស។នៅក្នុងសប្តាហ៍ចុងក្រោយនៃអាណត្តិរបស់លោកប្រធានាធិបតីTrumpនៅតែរឹតបន្តឹងវិធានការតឹងរឹងប្រឆាំងនឹងប្រទេសចិន។ រដ្ឋមន្រ្តីក្រសួងការបរទេសសហរដ្ឋអាមេរិកលោកMikePompeoបានប្រកាសនៅថ្ងៃទី១៥ខែមករាថានឹងដាក់ទណ្ឌកម្មលើមន្ត្រីហុងកុងនិងចិនចំនួន៦រូបចំពោះតួនាទីរបស់ពួកគេក្នុងការអនុវត្តច្បាប់សន្តិសុខជាតិនៅក្នុងតំបន់ពិសេស។មុននេះសហរដ្ឋអាមេរិកបានព្រមានថាខ្លួននឹងចេញទណ្ឌកម្មដើម្បីឆ្លើយតបនឹងការចាប់ខ្លួនសកម្មជនប្រជាធិបតេយ្យចំនួន៥៣នាក់របស់ហុងកុងដែលសង្ស័យថាបានរំលោភច្បាប់សន្តិសុខថ្មីនៅថ្ងៃទី ៥ខែមករា។កាលពីម្សិលមិញលោកPompeoក៏បានប្រកាសដាក់ទណ្ឌកម្មប្រឆាំងនឹងក្រុមហ៊ុនដែកថែបចិននិងក្រុមហ៊ុនផលិតសម្ភារៈសំណង់មួយដែលមានទីស្នាក់ការនៅអារ៉ាប់រួមអេមីរ៉ាតអារ៉ាប់រួមដោយសារកិច្ចសហប្រតិបត្តិការជាមួយក្រុមហ៊ុនដឹកជញ្ជូនអ៊ីរ៉ង់។ក្រុមហ៊ុនដែលដាក់ទណ្ឌកម្មដោយសហរដ្ឋអាមេរិកពីមុន។ ក្រសួងការពារជាតិអាមេរិកនៅថ្ងៃទី១៤ខែមករាបានដាក់ទណ្ឌកម្មបន្ថែមលើអាជីវកម្មចំនួន៩ ដែលទីក្រុងវ៉ាស៊ីនតោនបានចោទប្រកាន់ថាមានទំនាក់ទំនងជាមួយយោធាចិនរួមមានក្រុមហ៊ុនផលិតទូរស័ព្ទចល័តXiaomiនិងក្រុមហ៊ុនអាកាសចរណ៍យន្តហោះ។នៅថ្ងៃដដែលក្រសួងពាណិជ្ជកម្មអាមេរិកក៏បានដាក់សាជីវកម្មប្រេងម៉ារីនចិន (CNOOC)ដាក់ក្នុងបញ្ជីនៃទណ្ឌកម្មចំពោះការចូលរួមរបស់ខ្លួននៅក្នុង“ យុទ្ធនាការគម្រាមគំហែង” របស់ចិននៅសមុទ្រចិនខាងត្បូង៕ពុតសាម៉ាត់(យោងតាមReuters)

លោ​កTrumpគ្រោងនឹងចាកចេញ​ពីទីក្រុង​Washingtonមុន​ពេលលោកBidenចូ​លកាន់​តំណែង

នយោបាយកា​របរទេសរប​ស់លោកTrumpបានហែ​កចេញ

បន្ទាប់​ពីត្រូវបាន​ដកហូតនូវ“អាវុធដ៏មានឥទ្ធិពល”ប្រធា​នាធិ​បតីTru​mpភ្លាម​ៗត្រូវបានគេ​និយាយថា“​ការពារ”?

ពិធីសម្ពោធរបស់​លោកBidenត្រូវបាន​ពន្យារពេ​លមួយថ្ងៃ

Melaniaមានភា​ពស្ងប់ស្ងាត់មុនពេ​លចាកចេញពី​សេតវិមាន

ទឹកប្រាក់ចំ​នួន១,​៩០០ពាន់លានដុល្លាររបស់Bidenអាច​​ទាញសេដ្ឋកិច្ចអាមេ​រិកចេញពីអា​ងជ្រៅមួយ

សាធារណរដ្ឋនិ​យមហែក​លោកTrump

តំបន់កាពីតូលបា​នប្រែក្លាយជាតំ​បន់យោធាតាំង​ពីគិតបណ្តេញ​លោកTrump

ឧបករណ៍​២រារាំងTrumpមិនឱ្យវិ​លត្រឡប់មកសេតវិមាន

រូបថតពុតសាម៉ាត់